شاخەوانانی ڕۆژهەڵاتی کوردستان، هێرشی سپای تورکیەیان بۆ سەر ڕۆژئاوای کوردستان مەحکووم کرد

ماوەی دە رۆژە سپای تورکیە  هێرشی کردوتە سەر ناوچەی عەفرین لە رۆژئاوای کوردستان و، لە گەڵ بەرخۆدانی خەڵکی ئەو ناوچەیە ڕووبەڕوو بووتەوە.
هێرشی دەوڵەتی ئوردوغان بۆ سەر ڕۆژئاوای کوردستان سەرەڕای بێدەنگی کۆڕوکۆمەڵە نێو دەوڵەتییەکان ،  هاوسۆزی کوردانی پارچەکانی دیکەی کوردستانی لێکەوتووتەوە .
بە پێی ڕاپۆرتی هەواڵدەریی موکریان، شاخەوانانی کورد لە رۆژهەڵاتی کوردستان لە هەڵمەتێکی وەرزشوانی وێڕای پاڵپشتی کردن لە خەڵکی خۆڕاگریی عەفرین، هێرشی دەوڵەتی تورکیەیان مەحکوم کرد.
لە رۆژانی رابردوو گرووپی شاخەوانی چلچەمەی شاری سنە بە سەرکەوتن لەسەر کێوی ئارێز  و بەرزکردنەوەی تراکت و نووسراوە،  کوشتاری خەڵکی عەفرینیان بەدەستی دەوڵەتی تورکیە مەحکووم کرد.
هەروەها شاخەوانانی گرووپی پێشڕەو شاری شنۆ لە بەرزایی شاخی ڕندۆڵە هێرشی بەربڵاوی تورکیەیان بۆ سەر کوردستان  شەرمەزار کرد.
هەر بە پێی ڕاپۆرتی موکریان  لە رۆژانی ڕابردوو  وەزشوانانی گرووپی شاخەوانی زاگرۆسی  شاری نەغەدەش لە هەڵمەتێکی هاوشێوەدا  لە چیای سەبلان لە پارێزگای ئەدرەبێڵ  بە دروشمی عەفرین تەنیا نیە ، سەرکەوتن.
شیاوی باسە خەڵکی رۆژهەڵاتی کوردستان بە شێوە جۆراوجۆر هاوخەمیی خۆیانیان بەنیسبەت کوشتاری خەڵکی رۆژئاوا دەربڕیوە.

 

1 لە 3

- +

1.

2.

3.