ساڵی ڕابردوو لە پارێزگای ورمێ لە هەر 5 حاڵەتی ژنهێنان لە شارەكان، حاڵه‌تێکیان و لە ئاواییەكانیش لە هەر 10 حاڵەتی ژنهێنان یەكیان به جیا بوونەوەو تەڵاق ده‌گا.
بەپێی قسەكانی محەممەد جەوان، بەڕێوەبەری گشتیی سەبتی ئەحواڵی پارێزگای ورمێ لە ساڵی ڕابردوودا 35 هەزارو 101 حاڵەتی پێكەونانی ژیانی هاوبەش لەم پارێزگایەدا تۆمار كراوە كە لە چاو ساڵی پێشوو نزیكەی سەدی 6 لە كەمی داوە.
ناوبراو گوتوویەتی ساڵی ڕابردوو 6 هەزار و 413 حاڵەتی تەڵاق لە ئاستی ئەم پارێزگایەدا تۆمار كراوە كە بە نیسبەت ساڵی 92 پتر لە سەدی 14 زیادی كردووە.
بەپێی ئەم ئامارە، لە ساڵی 93دا زۆرترین ڕێژەی پێكەونانی ژیانی هاوبەش لە شاری تیكاب بووە و زۆرترین ئاماری تەلاقیش لە شاری ساین قەڵا تۆمار كراوە.
شایانی باسە لە 15 ڕۆژی یەكەمی مانگی خاكەلێوەی ئەمساڵ 933 حاڵەتی ژنهێنان و 126 تەڵاقیش تۆمار كراوە، بە قسەی بەڕێوەبەری گشتیی سەبتی ئەحواڵی پارێزگای ورمێ بە سەرنجدان بە پێوانەی تەمەنی ژیانی هاوبەش، نزیكەی سەدی 13ی تەڵاقەكان پاش كەمتر لە 13 مانگ ژیانی هاوسەریەتیی ڕوویان داوە.
محەممەد جەوان هەروەها پشتڕاستی كردەوە که لە ساڵی 93 دا لە ورمێ هەزارو 888 پەروەنده‌ی ژنهێنان پێك هاتووەو 10 هەزار و 189 تەڵاقیش ڕوویان داوە.
