بڵاوکردنەوەی سروودی “ئەی‌ڕەقیب” لە بلواری تاق‌وەسانی کرماشان بە بۆنەی ٢ی رێبەندان

لە درێژەی کار و چاڵاکیی تێکۆشەرانی حیزب لە ناوخۆی وڵات بە بۆنەی ساڵرۆژی دامەزرانی کۆماری کوردستان، تێکۆشەرانی حیزب لە شاری کرماشان بەم بۆنەوە تێکۆشانی تەبلیغییان بەڕێوە برد.
ئەندامانی دەروەست و بەهەڵوێستی حیزب لە شاری کرماشانی سەربەرز بە بڵاوکردنەوەی تراکت و وێنەی سەرکۆماری شەهید، پێشەوا قازی محەممەد لە چەند گەڕەکێکی ئەم شارە و هەروەها بڵاوکردنەوەی سروودی نەتەوایەتیی ئەی ڕەقیب لە بڵواری تاق‌وەسانی شاری کرماشان، بە شێوەیەکی بەرچاو رێزیان لە یاد و بیرەوەریی ٧٢ ساڵەی دامەزرانی کۆماری کوردستان گرت.
بۆم بۆنەوە کۆمیسیۆنی تەشکیلاتی حیزبی دێموکراتی کوردستان وێڕای دەستخۆشی لە تێکۆشەرانی دێموکرات لە شاری کرماشان، سەربەرزی و سەرکەوتنی زیاتریان لە ڕاپەڕاندنی ئەرکەکانیان‌دا بۆ بە ئاوات دەخوازێ.

 

1 لە 6

- +

1.

2.

3.

4.

5.

6.