رۆژی یەکشەممە ڕێکەوتی ٢٤ی بەفرانبارلە کەشێکی ئەمنیەتیدا لە گۆڕستانی بەهەشت محەممەدی شاری سنە تەرمی کیانووش زەندی کە لە کاتی خۆپێشاندانەکان دەسبەسەر کرابوو، بە بێ دەنگی نێژرا.
هەواڵەکان باس لەوە دەکەن کە کیانووش زەندی لە گرتنگەی ئیدارەی ئیتلاعاتی شاری سنە لە ژێر ئازار و ئەشکەنجە گیانی لە دەستداوە.
لە لایەک دیکەش ئیدارەی ئیتلاعات دەڵێ: کیانووش زەندی لە کاتی خۆپێشاندانەکان کوژراوە، بەڵام ناوبراو دە رۆژ لەمەوپێش بێسەروشوێن دەبێ هەتا رۆژی یەکشەممە ٢٤ی بەفرانبار بنەماڵەکەی ئاگادار دەکەنەوە کە تەرمی کوڕەکەیان وەرگرنەوە و بە بێدەنگی بینێژن.
زانیارییەکان باس لەوە دەکەن کە کیانووش زەندی وەکوو سارۆ قارەمانی لە ژێر ئەشکەنجە گیانی لە دەست داوە.
شیاوی باسە کیانووش زەندی خوێندکاری زانکۆی فەننی یەزادنپەنای شاری سنە بە هۆی خۆپیشاندانەکانی ئەم دواییانەی ئێران و کوردستان، لە شاری سنە دەسبەسەر و دوای دە رۆژ هەواڵی کوژرانی بڵاو کرایەوە
بە وتەی چالاکانی مەدەنی ناوەندە ئەمنییەکان ڕێگەیان نەداوە بە بنەماڵەکەی ڕێوڕەسمی بۆبگرن و هەڕەشەیان لێکردوون.
ئەمە دوویەمین لاوی کوردە کە لە ماوەی دوو حەوتووی ڕابروودا لە گرتنگەی ئیدارەی ئیتلاعات ڕاگیراون و دوای کوژراون.
