لە درێژەی ناڕەزایەتییەکانی خەڵکی ئێران بەرانبەر بە گرانی و ئابووری لە ئێران و ناڕەزایەتی دەربڕین لە هەمبەر سیاسەتە دژە خەڵکییەکانی کۆماری ئیسلامیی ئێران، ئەم ئێوارە ڕێکەوتی ١٠ی بەفرانبار خەڵکی شاری سنە بە شێوەی بەربڵاو ڕژانە سەر شەقام و خۆپێشاندانیان کرد.
سەرچاوەیەکی ئاگادار بە “کوردستان وکورد” ماڵپەڕی فەرمیی حیزبی دێموکراتی کوردستان ڕایگەیاند ، کە ئێوارەی رۆژی ١٠ی بەفرانبار خەڵکی شاری سنە بە گردبوونەوە لە شەقامەکانی شەشەم بەهمەن و سێ ڕای شەریفئاوا بەرانبەر بە دەسەڵاتی ستەمکار و دێکتاتۆری کۆماری ئیسلامیی ئێران خۆپێشاندانیان کردو لە ناڕەزایەتییەکانی خەڵکی شارەکانی دیکەی ئێران پاڵپشتی خۆیانیان دەربڕی.
شایانی باسە ماوەی چوار ڕۆژە لە بەشی زۆری شارەکانی ئێران خەڵکی وەزاڵەهاتوو بە نیشانەی ئیعتراز هاتوونەتە سەرشەقام و دروشمی نا بۆدیکتاتۆریان بەرزکردوتەوە.
ئەمڕۆ لە شارەکانی کرماشان و بانە و سنە خۆپێشاندان بەڕێوەچوو.
