پارێزگای ئیلام لە پێوهندی لهگهڵ تەمەنی پێكەوەنانی ژیانی هاوبەش لە ئاستی ئێراندا، پلەی سێهەمی ههیه.
ڕازی ناسری فەر، جێگری بێهداشتی زانكۆی زانستە پزیشكییەكانی پارێزگای ئیلام دەڵێ، تەمەنی پێكەونانی ژیانی هاوبەش لە ئێران بەرز بۆتەوە و گەیشتۆتە سنووری ٢٩ ساڵی كە ئەوەش جێگای نیگەرانییە.
ئەم كاربەدەستە هەروەها ڕایگەیاند، لە پارێزگای ئیلامیش تەمەنی ژنهێنان چۆته سهرێ و ئێستا ئەم ڕێژەیە لە ٢٨ ساڵ دایە، بە قسەی ناوبراو ئەم پارێزگایە لە ماوەی چەند ساڵی ڕابردوودا لە بواری ژن هێنان لە ئاستی ئێراندا، پلەی سێهەمی بۆ تەرخان كراوە.
ماوەیەك لەمەوبەر، بەڕێوەبەری گشتیی دەفتەری زانیارییەكانی ئامار، حەشیمەت و كۆچ كردنی ڕێكخراوی سەبتی ئەحواڵیش باسی لە بەرز بوونەوەی تەمەنی پێكەونانی ژیانی هاوبەشی ژنان و پیاوان لە ماوەی ١٠ ساڵی ڕابردوودا كرد و گوتی: بەرز بوونەوەی نێونجیی تەمەنی شووكردنی كچان لە پارێزگاكانی تاران، ئەلبۆرز و سیمنان، هەروەها بەرز بوونەوەی تەمەنی ژن هێنانی پیاوانیش لە پارێزگاكانی تاران و ئەلبۆرز و ئیلام لە چاو پارێزگاكانی دیكە زۆر زیاترە.
جێی باسە گرفتە ئابوورییەكان، بێكاری و نەبوونی هیوا و هومێد بە داهاتوویەكی ڕوون، لە هۆكارەكانی بەرز بوونەوەی تەمەنی پێكەونانی ژیانی هاوبەش لە ئێرانن.
