کچە هونەرمەندێکی خەڵکی شاری کرماشان لە کێبڕکێی نیگارکێشان لە وڵاتی فەرانسە، خەڵاتی ٢٠١٧ی ئەو وڵاتەی پێ بەخشرا.
بەپێی ڕاپۆرتی هەواڵدەرییەکان، کچێکی نیگارکێشی خەڵکی شاری کرماشان، بە ناوی “ئاندیا حەیدەری”، تەمەن ٤ ساڵ و نیو، لە کێبڕکێی جیهانی هونەرە “وێناییەکان” خەڵاتی “لوئی فڕانسوا”ی وڵاتی فەرانسەی پێ بەخشرا.
کێبڕکێی هونەرە وێناییەکانی وڵاتی فەرانسە بە بەشداری ٤٠ وڵات و بەشداری ٢ هەزار و ٨٠٠ بەرهەم، بە ناونیشانی “ێب و گلای ێبی” لەو وڵاتە بەڕێوەچوو کە تێیدا ئەو کچە کوردە توانی خەڵاتی لوئی فڕانسوا و دیپلۆمی شانازی”بۆ خۆی دەستەبەر بکا.
ئەو کچە کرماشانییە ئەندامی کانوونی پەروەردەی فکری منداڵان و مێرمنداڵانی شاری کرماشان بووە.
پێویست بە ئاماژەیە منداڵانی کورد تاکوو ئێستا لە چەندین بەشی هونەریدا بەشدارییان لە کێبڕكێ نێودەوڵەتییەکاندا کردووە و توانیویانە سەرەڕای هەموو کۆسپ و کەموکووڕییەکان لە بواری ئیمکاناتەوە، سەرکەوتن بەدەست بێنن.
