چالاکیی تەبلیغیی تێکۆشەرانی دێموکرات لە ناوچەی ڕەبەت

لە چالاکییەکی تەبلیغاتی‌دا لە ناوچەی ڕەبەت، یادی ٢٦ی سەرماوەز بەرز ڕاگیرا.
دۆستان و لایەنگرانی حیزبی دێموکراتی کوردستان لە ناوچەی شوڕشگێڕی ڕەبەت بە شێوەی بەربڵاو یادی ٢٦ی سەرماوەزیان بەرزڕاگرت.

بە بۆنەی رۆژی پێشمەرگە و ئاڵای کوردستان لایەنگرانی حیزب لە ناوچەی ڕەبەت بە ئەمەگناسییەوە ڕێزیان لە سەرجەم تێکۆشەران و پێشمەرگەکانی کوردستان گرت و، وەفاداری خۆیانیان بە ڕێباز و ئامانجی شەهیدان و خەباتکارانی کورد سەلماند.
شەوی ڕابردوو ڕێکەوتی ٢٤ی سەرماوەز ئەندامان و دڵسۆزانی حیزبی دێموکراتی کوردستان لە چەندین شوێنی شاری ڕەبەت و هەروەها گوندەکانی؛ سیسێر، هەمران، شێخیسێ، وەرگێڵ، سارتکێ، زمزیران و جبەرەند بە بڵاوکردنەوەی وێنە و تراکتی تایبەت بە یادی ٢٦ی سەرماوەز پێشوازییان لەو بۆنە نەتەوەییە کرد.
دۆستان ولایەنگرانی حیزبی دێموکراتی کوردستان بە دروشمی “پێشمەرگە پارێزەری خاک و خەڵکی کوردستانە”نێوشاری ڕەبەت و گوندەکانی دەوروبەری ئەوشارەیان ڕازاندەوە.
کۆمیسیۆنی تەشکیلاتی حیزبی دێموکراتی کوردستان وێڕای سپاس وپێزانین بۆ سەرجەم چالاکی و تێکۆشانی دۆستان و لایەنگرانی دێموکرات لە ناوچەی ڕەبەت ، سەرکەوتنی زیاتریان بۆ بە ئاوات دەخوازێ.

 

1 لە 12

- +

1.

2.

3.

4.

5.

6.

7.

8.

9.

10.

11.

12.