یەکیەتیی لاوانی دێموکراتی رۆژهەڵاتی کوردستان وەکوو دەسپێشخەر و بەڕێوەبەری پلاتفۆرمی “وێران” بۆ باس کردن لە ئامانج و ئاکامەکانی ئەو پلاتفۆڕمە رووبەرووی لاوان و خەڵکی رۆژهەڵاتی کوردستان بەیاننامەیەکی بڵاو کردەوە.
لە بەشێک لەو بەیاننامەیەدا هاتووە؛
هەر وەک دەزانن رۆژی ١٢ی سەرماوەزی ئەمساڵ بۆ یەکەم جار بیرۆکەیەکی نوێ بۆ هەڵسەنگاندنی خەباتی پڕ هەوراز و نشێوی نەتەوەکەمان لە رۆژهەڵات، بەناوی پلاتفۆرمی “وێران” راگەیەندرا و ئامانج لەو پلاتفۆرمە لە قۆناغی یەکەمدا ئاوڕدانەوە لە بزاڤی رزگاریخوازی کوردی رۆژهەڵاتە بەهەموو سەرکەوتن و شکستەکانی و، پاشان خوێندنەوی نوێ بۆ ئێستا و هەموو ئەو پێشهاتانەیە کە کاریگەریان لەسەر خەبات و بەرەوپێشبردنی رەوتی خەبات هەیە لە رۆژهەڵاتی کوردستان.
لە درێژەی بەیاننامەکەی یەکیەتیی لاوانی دێموکراتی رۆژهەڵاتی کوردستان بە باس کردن لە مێژوویی ڕزگاریخوازانەی گەلی کورد لە رۆژهەڵاتی کوردستان و دەسکەوت و ،هەروەها هۆکاری شکستەکانیدا هاتووە:
ئاشکرایە کە تێکۆشانی رێکخراوەیی وسازمانی لە رۆژهەڵاتی کوردستان بەلەدایکبونی حیزبی دێموکراتی کوردستان دەستی پێکرد و پێشەوای ئەو حیزبە کە سەرۆکی یەکەم کۆماری کوردی بوو بە فیداکردنی خۆی سەنەدی زیندوویی بۆ میللەتی کورد ئیمزا کرد.
بەداخەوە دوای تێپەڕینی زیاتر لە حەوت دەیە و تاقی کردنەوەی دوو نیزام لە ئێران کورد هێشتا نەیتوانیوە بە مافەکانی خۆی بگات و ئەگەر ناتەبایی و نایەکگرتووی نێوان پێکهاتەکانی نەتەوەی کورد هۆکاری سەرەکی نەگەیشتن بە مافەکانمان بێت ئەوە هۆکاری دووهەم خوێندنەوەی هەڵە بووە لە رووداو و پێشهاتەکان و هەروەها نەبوونی ستراتێژی روون بووە لە خەبات و تێکۆشان، لەلایەن حیزبەکان.
لە بەشێکی دیکەی ئەو بەیاننامەیەدا بە هەڵسەنگاندنی هەلومەرجی ئێستاکەی ئێران و کوردستان و خستنەبەرباسی پێویستی بە روانگەیەکی نوێ بەنیسبەت هەلومەرجی هەنووکەیی رۆژهەڵاتی کوردستاندا هاتووە:
هەر وەک هەموولایەک دەزانن پرسی کورد لە هەموو پارچەکان پرسێکی زیندوویە و پێویستە لە رۆژهەڵاتی کوردستانیش ئەم پرسە بە زیندوویی رابگیرێت، بە خۆشحاڵیەوە هۆشیاری نەتەوەیی لە ئاستی هاوڵاتی لە رۆژهەڵات سنوورەکانی دابەشکاری حیزبی بڕیوە و واتایەکی نوێ بە یەکیەتیی و هاوکاری نەتەوەیی دراوە، ئەمەش دەگەرێتەوە بۆ بوونی کۆمەڵگایەکی مەدەنی لەسەر هەست و هوشیار.
یەکیەتیی لاوانی دێموکراتی رۆژهەڵاتی کوردستان لە کۆتایی بەیاننامەکەی سەبارەت بە مەبەست و ئامانجەکانی ئەو کارە هزریی و نوێیەدا واتە پلاتفۆرمی “وێران” ڕایگەیاندووە: ئێمە لە پلاتفۆرمی “وێران” بانگ لە هەموو دڵسۆزانی نەتەوەی کورد و تێکۆشەرانی دۆزی کورد لە رۆژهەڵاتی کوردستان دەکەین کە بە بۆچوون و بیری نوێ و رەخنەی سازندە و دوور لە دەمارگرژی حیزبی، لەگەڵمان هاوکار بن بۆ بە خۆماڵی کردنی خەبات لە رۆژهەڵاتی کوردستان و وەسەریەکخستنەوەی تواناکان بۆ بزوتنەوەیەکی زیندوو و لەسەر پێ
