ئهفشین حوسێن پهناهی، بهندكراوی سیاسیی كورد له لایهن هێزهكانی ئیتلاعات له شاری سنه به سهختی ئازار و ئهشكهنجه دراوه.
هێزهكانی وهزارهتی ئیتلاعاتی كۆماری ئیسلامیی ئێران له شاری سنه، بهندكراوێكی سیاسی به ناوی ئهفشین حوسێن پهناهی كه فشاریان بۆ هێناوه دانپێدانانی تلویزیۆنی بكا و ناوبراویش له ئیعترافاته خۆی بواردوه وێڕای ههڕهشه لێكردن و نینۆكهكانی دهستیان كێشاوه و ویستویان شۆكی بهرقیی لێ بدهن و به هۆی بهرقهوه سهریشی سووتاوه.
ناوبراو له ههموو پێداویستییه پزیشكییهكان بێبهش كراوه و تا ئێستا ئیزنیان نهداوه چارهسهری پزیشكیی بۆ بكرێ.
ئهفشین حوسێن پهناهی، بهندكراوی سیاسیی كورد له دادگایهكی چهند خولهكیدا به تۆمهتی پڕوپاگهنده دژی ڕێژیم و هاوكاری كردنی یهكێك له حیزبه كوردییهكانی دژبهری كۆماری ئیسلامیی حوكمی 8 ساڵ و نیو زیندانیان بهسهردا سهپێندراوه و ئێستاش له ههوڵی دانپێدانانی تلویزیۆنی بوون بهڵام ناوبراو ملی نهداوه
ههر له پێوهندی لهگهڵ زیندان و دهسبهسهركراوای كورد له ڕۆژههڵاتی كوردستان 6 كهسی دیكه به ناوهكانی فهرهاد چهتانی، تهیب چهتانی، لوتفوڵا ئهحمهدی، حهیدهر ئاخته، ئهفشین ئهدهب و ههروهها ئهحمهد كهرباسچی لهلایهن ئیدارهی ئیتلاعات له شاری سنه به تۆمهتی چالاكی ههمهلایهنه له ڕێگهی تهلهفوونهوه بانگ كراون و لێكۆڵینهوهیان لێكراوه.
