نوێنەری بیجار لە مەجلیسی شوورای ئیسلامی گوتی: پارێزگای سنە ڕۆژلەگەڵ ڕۆژ زیاتر لە پارێزگاكانی دیكەی ئێران دوا دەكەوێ.
سەید محەممەد بەیاتییان وێڕای ئاماژە بە بوونی کێشهی زۆر لەبەر دەم گەشەسهندنی پارێزگای سنەدا گوتی: هەر جارەو بۆ چارەسەری گرفتەكانی ئەم پارێزگایە ڕوو لە كاربەدەستێك دەنێین، بەڵام ئەوەی كەوتوە، بێ بهڵێنی، گەشە نەكردنو دواكەوتنی ڕۆژ لەگەڵ ڕۆژ زیاتری پارێزگای سنە لەچاو پارێزگاكانی دیكەی ئێران بووە.
ناوبراو كۆچ كردن بۆ پارێزگاكانی دیكەی وڵاتی بە دەرەنجامی گەشەنەكردنی پارێزگای سنە زانیوەو گوتی: لە پارێزگای سنە نرخی گەشەی حەشیمەت تا ئاستی ٧ لە دە دابەزیوەو ئەم ئامارە نیشانەی كۆچكردنی خەڵكی ئەم پارێزگایە بۆ پارێزگاكانی دیكەی ئێرانە.
نوێنەری بیجار لە مەجلیس ئاماژەی بە كۆمەڵێك لە گرفتەكانی پارێزگای سنە كردوەو دهڵێ: گرفتی كەمیی ئاو یان گواستنەوەی ئاوی بەنداوەكانی ئەم پارێزگایە بۆ پارێزگاكانی دیكە، پشتگوێ خستنی بژاردەكانی پارێزگای سنەو گەشە نەكردنی ژێرخانە ئابووری، مرۆییو کۆمهڵایهتییهكان لە نموونەی ئەم كێشانەن كە پارێزگای سنە لەگەڵیان بەروڕویه.
بەیاتییان دهڵێ: سەدی ٧٠ی دەنگەكانی خەڵكی پارێزگای سنە بۆ دەوڵەتی مشوورو هیوا بووە، هەر بۆیە ئەوان چاوەڕوانی وەفاو ئەمەگناسی ئەم دەوڵەتەن، بەڵام سەركۆمار تا ئێستاش سەفەر بۆ ئەم پارێزگایەی لە ڕیزی دوایین ئەولەڤییەتەكانی خۆی داناوە.
ناوبراو لە درێژەدا گوتوویەتی: هیوادارین دەوڵەت ئەم گرفتانە چارەسەر بكاو ببێتە هۆی ئەوەی خەڵكی ئەم پارێزگایەش وەك پارێزگاكانی دیكە له خزمەتگوزارییەكانی دەوڵەت بهشیان ههبێ.
