عەلی ئەكبەر سیاری، جێگری وەزیری بێهداشت، باسی لە دابەزینی تەمەنی سیگاركێشان تا ١٧ ساڵی كردووەو دهڵێ سەدی ١٥ تا سەدا ١٧ی سیگار لە ئێران به قاچاغ هاورده دهکرێ.
بەپێی ڕاپۆرتی ڕۆژنامەی شەهروەند، عەلی ئەكبەر سیاری، جێگری وەزیری بێهداشت دهڵێ بەپێی دوایین توێژینەوەكان، تەمەنی دەستپێكردنی سیگارکێشانو سەدی ٩٠ی ئەم كەسانەی گیرۆدەی دووکهڵ بوون، لە قۆناغی مێرمنداڵییەوەو بە شێوەیەكی دیاریكراو، لە ژێر ١٨ ساڵی دایە، بە واتایەكی دیكە تەمەنی دەسپێكی سیگاركێشان لە ئێران گەیشتۆتە ١٧ ساڵ.
ناوبراو دهڵێ ئەوە لە حاڵێك دایە كە نرخی كەمی مادە دۆخانییەكان وەك سیگار، یەكێكه لە هۆكارە سەرەكییەكانی بەكارهێنانی ئەم ماددانە لە تەمەنی مێرمنداڵی، هەر بۆیە پێویستە نرخی سیگار گران بكەن تا ئاستی کێشانو بەكارهێنانی له کهمی بدا.
بە قسەی ناوبراو لەئێران لە ساڵدا ٦٥ میلیارد دەنك سیگار دەكێشرێ كە سەدی ١٥ تا سەدا ٢٠ی ئەم سیگارە بە قاچاغ دێته وڵاتهوه.
كاربەدەستانی وەزارەتی بێهداشت لە حاڵێكدا باس لە هاتنە خواریی تەمەنی بەكارهێنانی سیگار لە ئێراندا دەكەن كە مورتەزا مووسەوی، بەڕێوەبەری گشتیی بێهزیستیی پارێزگای فارسیش ڕۆژی شەممە 2ی جۆزەردان، لایەنە پێوەندیدارەكانی وریا كردبۆوە كە تەمەنی تووشبوون بە ماددەی هۆشبەر لە ئێران گەیشتۆتە ١١ ساڵو ڕێژەی ژنانی موعتادیش دوو هێندەی پێشوو زیادی كردووە.