بە مەبەستی تاووتوێکردنی ڕووداوەکانی ئەم دوایانەی کوردستان بە تایبەتی تێکهەڵچوونی گریلاکانی پارتی کرێکارانی کوردستان لە گەڵ پێشمەرگەکانی حدکاو، هەروەها لە پێناوی هاوهەڵوێستیو لێکنزیکبوونەوەی حیزبو لایەنە سیاسییەكانی رۆژهەڵاتی كوردستان، چوار حیزب و لایەنی سیاسیی ڕۆژهەڵاتی کوردستان پێکەوە کۆ بوونەوە.
ڕۆژی چواری جۆزەردان(٢٥/٥/٢٠١٥) لە دەفتەری پێوەندییەکانی کۆمەڵەی شۆڕشگێڕی زەحمەتکێشانی کوردستانی ئێران، هەیئەتەکانی حیزبی دیموکراتی کوردستان، کۆمەڵەی شۆڕشگێڕ، حیزبی دیموکراتی کوردستانی ئێران و سازمانی خەبات، پێکەوە کۆبوونەوە. هەیئەتی حیزبی دیموکراتی کوردستان بۆ ئەم دانیشتنە هاوبەشە لە حەسەن قادرزادە ئەندامی دەفتەری سیاسیو، برایم زێوەیی، ئەندامی کۆمیتەی ناوەندی و نوێنەری حیزب لە هەولێر پێک هاتبوو.
لهو کۆبوونهوهیهدا دوای ئاڵوگۆری بیروڕا سەبارەت به بارودۆخی رۆژهەڵاتی کوردستانو رووداوی تاڵی بەرەوڕووبوونەوەی چەکدارانەی پارتی کرێکارانی کوردستان لە گەڵ پێشمەرگەکانی حیزبی دیموکراتی کوردستانی ئێران، چوار لایەنی ناوبراو لەسەر ئەم خاڵانەی خوارەوه هاوڕا و پێداگر بوون:
١_ له هەلومەرجی هەستیاری ناوچەکه و بەتایبەتی کوردستاندا، هەر ئالۆزی و کێشەو شەرێک لەنێوان هێزە کوردستانییەکان، خزمەت بەدۆخی خەباتی نەتەوایەتی گەلەکەمان ناکا و لە بهرژهوهندی ولاتانی داگیر کەری کوردستان دایە و، براکوژی و خوێنڕشتنی رۆلەکانی گەلی کورد تاوانەو لەجیاتی دەست بردن بۆ چەک، پێویستە لەرێگای وتووێژ و دیالۆگەوە کێشەکان چارەسەر بکرێن.
٢_ کوردستان مولکی تایبەتی هیچ لایەنو هێزیکی سیاسی نیەو هی هەموو خەلکی کوردستانە. هیچ پاساو و بڕو بیانوویەک شەرعییەت بەهیچ لایەن و هێزیک نادات بەشێک یا هەموو کوردستان بە پاوانی خۆی بزانێ و ڕێگر بێ لە تێکۆشانی هێز و لایەنەکانی دیکە.
٣_ لە گەڵ ئەوەی کوردستان یەک ولات و کورد یەک یەک نەتەوەیە، بەلام دەبێ ئەو واقعییەتەمان قەبوول بێ کە بە سەر چوار ولات دا دابەش کراونو هەر کام لەم بەشانە خاوەنی حیزب و رێکخراوی تایبەت بە خۆیانن کەهەر کامیان خاوەنی خەباتێکی دوور و درێژن لەپیناوی بەدیهێنانی مافه نەتەوایەتیەکانی گەلەکەیان دا و بەهەزاران شەهید و قوربانیان داوه. بە لەبەرچاوگرتنی ئەم ڕاستییە و بەوەبەرچاوگرتنی شوێنەوارە زیانبارەکان، هیز و لایەنە سیاسییەکانی هەر کام لە بەشەکانی کوردستان نابێ دهستێوهردانی لەکاروباری بەسەکانی دیکە دا بکەن.
٤_لەقۆناغی خەباتی رزگاری نەتەوەیی دا هەر هێز و لایەنیکی سیاسی مافی پەیوەندی گرتن و رەوابتی سیاسی لەگەل ولاتانی ناوچەکهی هەیه به مەرجێک لەدژی خواست و بەرژەوەندی نهتهوهیی ئەو بەشە لە خەلکی کوردستان نهبێ.
٥_ هێرشی چەکدارانەی هەر هێز و لایەنێکی سیاسیی کوردستان بۆ سەر یەکتر بە گشتی و بەتایبەتی هێرشی چەکدارانەی ئەم دوایانەی پارتی کرێکارانی کوردستان بۆ سەر پێشمەرگەکانی حیزبی دیموکراتی کوردستانی ئێران،کە بە داخەوە شەهید و برینداریشی لێ کەوتەوە مەحکوومە.
٦- هەولی دلسۆزانهی پارلەمانی کوردستان و سەرۆکایەتیی هەریمی کوردستان و هەموو لایەن و کەسایەتیە سیاسیەکان کە دلسۆزانە بۆ چارەسەری ئەو کێشانە هەنگاویان هەلگرتوە، بەرز دهنرخێنین
٧_ دەستێوەردان وپاوانخوازیی پ کا کا لەکوردستان بەگشتی و له رۆژهەلاتی کوردستان به تایبەتی و پێشگیری کردنو کۆسپ دروست کردنی بۆ تێکۆشان و هەلسووڕانی هێز ەسیاسیهکانی رۆژهەلاتی کوردستان، پاساوهەلگر نیه. پێویستە ئەم سیاسەتە بکەوێتە بەر ڕەخنەی ڕاشکاوانە و بەڕادەی پێویست تیشک بخرێتە سەر زیان و شوێنەوارەکانی.
٨_ هەول بدری له پێناوی ئالوگۆری بیرورا و تاوتوێکردنی رووداوەکان و گرتنەبەری ههلویستی هاوبەش و هاوکاریی لایەنەکان، ئهم جۆرە کۆبوونەوانه لە بازنەیەکی فراوانتر و به بەشداریی هێزەکانی دیکەی کوردستان لە داهاتووش دا بەڕێوە بچن.
