هێرشەکەی ئەمرۆی حەشدی شەعبی بە هاوکاری هێزەکانی سپای پاسدارانی ئێران و میلیشیاکانی حزبووڵڵای لوبنان بۆ سەر ناوچەکانی باکووری رۆژئاوای مووسڵ کە پێشنیوەڕۆی رۆژی پێنجشەممە ٤ ڕەزبەر رووی دا، لە لایەن هێزی پێشمەرگەوە تێکشکێندرا
رۆژی پێنچشەممە هاوکات لە گەڵ لێدوانی حەیدەر عەبادی سەرۆکوەزیرانی عێراق لە تاران کە ڕایگەیاند تەنیا بە هەڵوەشاندنەوەی ئاکامی گشتپرسی ڕازی دەبن ، میلیشیاکانی حەشدی شەعبی هێرشیان کردە سەر باکووری رۆژئاوای شاری مووسڵ و لە گەڵ خۆڕاگریی هێزی پێشمەرگە رووبەروو بوونەوەو زیانیان لێکەوت.
لە ئەنجامی ئەو هێرشە کە بە سەرپەرەستی هادی عامری و ئوبوو مێهدی مووهەندیس فەرماند و جێگری گشتیی میلیشیاکانی حەشدی شەعبی رووی دا، ٣ تانک و٥ هامڤی و باجەرێک و ٢ فڕۆکەی بێفڕۆکەوانی حەشدی شەعبی تێکشکێنرا و هێرشە بەرفراوانەکەشیان شکستی پێهێنرا، هەواڵەکان باس لەوە دەکەن تا ئامادەکردنی ئەم هەواڵەش شەڕ و پێکدادان لەنێوان هێزی پێشمەرگەو میلیشیاکانی حەشد بەردەوامە.
