دادگای شاری موش رۆژی ڕابردوو بە تۆمەتی ئەندامبوون و پروپاگەندەکردن بۆ پەكەكە و كەجەكە، سزای ٦ ساڵ زیندانی بەسەر بورجو چەلیك ئوزكان، پەرلەمانتاری هەدەپە سەپاند.
بە پێی ڕاپۆرتی سرچاوەکانی هەواڵ کۆبوونەوەی دادگاییكردنی بورجو چەلیك ئوزكان، پارلمانتاری هەدەپەی شاری موش بەڕێوەچوو.
دادگای موش بڕیاری سەپاندنی ٦ ساڵ زیندانی بە تۆمەتی ئەندامبوون و پروپاگەندەکردن پەكەكە و كەجەكە بۆ بورجو چەلیك ئوزكان، پارلمانتاری هەدەپە دەرکرد، ئوزكان پارلمانتاری پارتی دیموكراتی گەلان (هەدەپە)یە لە ١٩ مانگی نیسان لە شاری موش دەستگیركرابوو.
بەپێی پەروەندەی كەجەكە کە لە لایەن دادگای ئانکاراوە کە لە ساڵی ٢٠٠٩ ئامادەكراوە، و ئەو كەسانەی كە بڕیار لە پەكەكە وەردەگرن و پڕوپاگەندە بۆ پەكەكە دەكەن و بە زۆرەملێ هاوكاری دارایی لە بازرگانان و سەرمایەدارانی توركیە بۆ پەكەكە كۆدەكەنەوە دەبێ دەستگیربكرێن.