سەرۆكی دیموكراتەكانی سەنای پشتیوانی سەربەخۆیی كوردستان دەكا
دوابەدوای راگەیاندنی ئەنجامی ریفراندۆمی سەربەخۆیی كوردستان، ڕۆژی ڕابردوو له هەڵوێستێكی دیکەی باش لەلایەن ئامریكاوە، سهرۆكی دیموكراتهكانی لە سەنای ئامریكا داوای پشتیوانی بۆ سهربهخۆیی كوردستان كرد.
چاك شومهر، سەناتۆر و سهرۆكی فراكسیۆنی دیموكراتهكان له ئهنجوومهنی سەنای ئامریكا له راگهیهندراوێكدا پشتیوانی خۆی بۆ سهربهخۆیی كوردستان دهربڕیوە و داوای له كۆشكی سپی كردووە پشتیوانی سهربهخۆیی كوردستان بكا.
چاك شومهر دهڵێ، ریفراندۆمی مێژوویی كورد پێویسته دانی پێدا بندرێ و لهلایهن جیهانهوه رێزی لێ بگیرێ.
هەروەها ناوبراو گوتی، پێموایه كورد پێویسته دهوڵهتی سهربهخۆی ههبێ و به زووترین كات ببێته خاوهنی دهوڵهت، هەر بۆیه پێویسته ئامریكا ههڵوێستێكی روونی ههبێ، له پێناو دهوڵهتێكی سهربهخۆدا پشتگیری له هیوا و خواستهكانی خەڵکی كوردستان بكا.
ههروهها نووسیویهتی له دوو دهیهی رابردوودا كورد هاوپهیمانی بههێزی ئێمه بوونه له سهر زهوی، به تایبهتی له شهڕی دژ به تیرۆردا و ئێمه چهندین جار پشتمان به پێشمهرگه بهستووه و كورد پشتگیری مافی كهمینهكان بووه، ئێستاش كاتی ئهوهیه ئامریكا به توندی پشتگیری سهربهخۆیی كوردستان بكا.
هەروەها شومەربە پێویستی زانی وڵاتانی دراوسێی عێراق رێز له مافهكانی كورد و عێراقییهكانیش بگرن بۆ ئهوهی ئهوان چارهنووسی خۆیان دیاری بكهن.