دیوانی عەداڵەتی ئیداری، دەنگی هەیئەتەكانی لێكدانەوەو چارەسەری كێشەی ئیدارەی كاری قوروەی لە بابەت دەركردنی كرێكارانی پۆڵای زاگرۆس پشتڕاست نەكردۆتەوە.
دیوانی عەداڵەتی ئیداری وێڕای ڕەد كردنەوەی حوكمی هەیئەتی لێكدانەوەو چارەسەری گرفتی ئیداری كاری قوروە، داوای پێداچوونەوەی سەرلەنوێی سكاڵانامەی كرێكارانی پۆڵای زاگرۆس لە لقی پێوەندیدار بووە.
ئەم حوكمە لەسەر داوای كرێكارانی پۆڵای زاگرۆس دراوە، كە لە مانگی خەرمانانی ساڵی ڕابردوودا، لە بابەت ناڕەزایەتی دەربڕین بە نیسبەت دەركرانیان لە هەیئەتەكانی لێكدانەوەو چارەسەری كێشەی ئیدارەی كاری قوروە لەلای دیوانی عەداڵەتی ئیداری سكاڵایان بەرز كردبۆوە.
لە لایەكی دیكەوە ئیدارەی كاری قوروە لە كاردانەوە لە بابەت ڕەدكرانەوەی حوكمەكان بەدژی كرێكاران، داوای پێداچوونەوەی كردووەو هەوڵی ئەم ڕێكخراوە دەوڵەتییە تووڕەیی كرێكارانی پۆڵای زاگرۆسی لێ كەوتۆتەوە.
شایانی باسە كارخانەی پۆڵاو تواندنەوەی ئاسنی زاگرۆس، لە شوێنێ بە پانتایی ١٠٠ هێكتار لە شاری قوروە هەڵكەوتووە كە یەكێك لە شارە بچووكەكانی پارێزگای سنەیە.
