٤ هێكتار لە لێرەوارەكانی “هانیوان”ی ئیلام لە ئاگردا سووتا
ڕۆژی دووشەممە ٢٨ی بانهمهڕ لێرهوارهکانی “هانیوان” له ئیلام ئاگریان گرتو بهوهش زیانو زهرهر به ژینگهی ئهو ناوچهیه کهوت.
خەلیل كەرەمی، بەرپرسی سەرچاوە سروشتییەكانی ئیلام دهڵێ هۆكاری ئەم ئاگركەوتنەوەیە ڕوون نییه بهڵام لهوانهیه كەمتەرخەمی شاخەوانەكان بووبێ. ئهو دهڵێ ئهو ئاگرهی لە لێرەوارەكانی ناوچەی “هانیوان” لە شاری ئیلام کهوتهوه بووەتە هۆی سووتانو لەنێوچوونی ٤ هێكتار لە لێڕهواوو سهوزاییهکانی ئەو ناوچەیە.
به گوێرهی کۆمهڵێک ههواڵی دیکه ههر لهم دوو ڕۆژهدا له ناوچهی مهریوانیش لێڕەوارەکانی دەوروبەری ئاوایی سەردۆش، شارانی، پیلە و، دوویسە لە ئاگردا سووتاون.
شایانی باسه له ساڵدا بە دەیانو بگرە سەدان حاڵەت ئاگركەوتنەوە لە لێرەوارو دارستانەكانی زنجیرە چیاكانی زاگرۆس لە رۆژهەڵاتی كوردستان ڕوو دهدا و بهپێی گێڕانهوهی شایەتحاڵەكان هۆكاری زۆربەری هەرەزۆری ئەو ئاگركەوتنەوانە دەستو پێوەندەكانی حكومەتن، كە بە بیانووی ئەوەی شاخ و دارستانەكانی كوردستان شوێنی خۆ حەشاردان و پشوودانی هێزی پێشمەرگەو هێزە نەیارەكانی كۆماری ئیسلامییه، جوانییەكانی سروشتی کوردستان دهکرێته ئامانجو بەم چەشنە ئاگریان تێبهر دهدرێ.
