١٢مین خولی فستیڤاڵی شانۆی مەریوان لە رۆژی شەممە ١٨ی خەرمانان کرایەوە و لە یەکەم ڕۆژدا ٢٦ شانۆ لە شاری مەریوان و شارۆچکەی بەردەڕەشە پیشاندران.
فستیڤاڵی شانۆی سەرشەقامی مەریوان ئەمساڵ دەنگدانەوەی بەرچاوی هەبوو، هەواڵدەریی شینهوا، کە هەواڵدەریی فەرمی وڵاتی چینە لە ڕاپۆرتێکدا بە تیرو تەسەڵی لەسەر ئەو فستیڤاڵەی بڵاو کردەوە.
هەروەها بڕیارە لە ماوەی چوار ڕۆژی فێستیڤاڵدا ١٤١ شانۆ لە بەرهەمی هونەرمەندانی کوردی ڕۆژهەڵات و شانۆیەکی هەرێمی کوردستان و پێنج وڵاتی بیانی بۆ ١٢١ جار لەناو پارک، کەناری گۆلی زرێبار، شەقامەکانی مەریوان، شرۆچکەی کانی دینار و گوندێ نێ پیشان بدرێن.
بە گوتەی بەڕێوەبەرانی فێستیڤاڵی مەریوان، خولی ئەمجارە بە بەراوردی خولەکانی پێشوو لە بواری هونەری و تەکنیکی و ڕێژەی بەشداری و ئاستی پێشوازیی خەڵک زۆر بەهێزتر و جیاوازترە.