لە سەر بانگەوازی دوێنیی چالاکانی مەدەنیی شاری بانە، ئەمڕۆ بازاڕییانی ئەو شارە بۆ نارەزاییی دەربڕین بەرامبەر تاوانی کوشتنی یەک بە دوای یەکی کۆڵبەران بە تایبەتی کوشتنی دوو کۆڵبەر بە ناوەکانی قادر بەهرامی و حەیدر فەرەجی لە لایەن هێزە بە ناو ئینتیزامییەکانی کۆماری ئیسلامی، دوکانەکانی خۆیان لە ناوەندی شار و پاساژەکان داخست. شاری بانە، ئەمڕۆ بەیانیی خۆی بە پێشوازیی بازاڕییەکان لە بانگەوزی داخستنی دوکان و بازاڕ دەست پێکرد. سەرلە بەیانی ژمارەیەکی کەم لە پاساژەکان لە لایەن خاوەن پاساژەکان و سرایدارەکان کرابوونەوە، بەڵام بەو هۆیەوە خاوەن دوکانەکاان نەچووبوونە شوێنی کاری خۆیان و بۆیان دەرکەوت زۆربەی هەرە زۆری خاوەن دوکانەکان و پاساژەکان بە دەنگ بانگەوازی داخستنی دوکان و بازارەوە جوون، ئەوانیش دایان خست. ئۆرگانە ئەمنیەتی و سەرکوتکەرەکانی ڕێژیم لەو شارە، بۆ چاوترساندنی خەڵک ژمارەیەکی زۆر لە هێزەکانی خۆیان ڕژاندووەتە نێوشار. بە توندی بەرامبەر وێنەگرتن لە تەعتیلیی شار دژکردەوە نیشان دەدەن. جموجۆڵی خەڵکی نارازی و وەزالەهاتوو بۆ چوون بەرەو دەرکی فەرمانداری لە سەر بانگەوازی دوێنێی چالاکانی مەدەنی دەستی پێ کردوە و چاوەروان دەکرێ کۆبوونەوە لە بەر دەرکی فەرمانداری لە سەعاتەکانی داهاتوو بەڕێوە بچێ. هەر ئێستا کە ئەم هەواڵە ئامادە دەکرێ،(کاتژمێر ١٠ و٤٠ دەقیقە) هێزەچەکدارەکان بە گازی فرمێسک ڕێژ بەرەورووی ئەو خەڵکە بوونەتەوە کە بەرەو فەرمانداری دەچن. ئەوانیش بە بەرد وڵامیان دەدەنەوە.
خەڵک بە بەرد شۆێنیان کەوتون، خەڵک گەێشتونەبەر فرمانداری، دوو کەسیان کێشاوەتە نێو حەوشی فەرمانداری، دەور وبەری پردی گەرەکی خواروو دەنگی تەقە دێت.هێزیکی زۆری گاردی وێژە لە خیابان بڵاو بوەتەوە، وەزعە هاڵۆزە و جێگەی نیگەرانی. گاردی ویژە دەوروبەری فەرمانداری تەنێیوە. لە بنکەی سەرەکی هێزی ئێنتزامی بانە ماشینیکی یەکجار زۆری جام ڕەش هاتوونەتە دەرەوە. تا ئێستا کاتژمێر ١١ و چەند دەقیقە بە کاتی ئێران)تەنیا گولە ی مەشقی و گازی فرمیسکڕێژ بکار هێنراوە، بەڵام وەزعەکە خەریکە روو بە توندی ئەڕوا. کۆبوونەوەیەکی زۆر گەورە پێکهاتوو لە هەزاران کەس لە “تقاطع” ی ئەو کوچە و کۆڵانانەی دێنەوە سەر فەرمانداری، پێک هاتوە. هێزەکان بە باتوون و گازی فرمێسکڕێژ هێرشیان کردوونە سەر و ئەوانیش لە بەرامبەر ئەو پەلامارەی هێزەکانی گاردی ویژە راوەستاون.
بە پێی دوایین زانییارییەکان لە شەقامی ئەماکن؛ تێکهەڵچوونی نێوان لاوانی شاری بانە و هێزە تایبەتەکانی ڕێژیم رووی دا.
سەرەڕای میلیتاریزەکردنی شاری بانە لەلایەن هێزەکانی ڕێژیمەوە ، بەڵام خەڵکی وازلەهاتووی شاری بانە لە سەر شەقام ماوەنەتەوەو درێژە بە خۆپێشاندان دەدەن.
زانیارییەکان باس تێکهەڵچوونی لاوانی شاری بانە و هێزە ئەمنییەکان دەکەن.
بە هۆی ئاڵۆزبوونی دۆخی ئەمنی شاری بانەو، هاتنە سەر شەقامی خەڵکی تۆڕە و هاتنە ئارای تێکهەڵچوون نێوان خەڵک و هێزە ئەمنییەکان، زانیارییەکان باس لەوە دەکەن کە بەشێک لە بەرپرسانی شاری بانە وەکوو فەرماندار، شاری بانەیان بەجێ هێشتوەو لە لایەک دیکەش نوێنەری شاری بانە لە مەجلیس بەرانبەر بە هەڵسوکەوتی هێزە چەکدارەکانی رێژیم هەڵوێستی گرتوەو، ڕایگەیاندوە دەبێ داوی لێبووردن لە خەڵکی بانە بکرێ و ناوەندە پێوەندیدارەکان لەو بارەوە بەرپرسن.
هەروەها هەواڵەکان باس لەوە دەکەن کە هێزێکی زۆر لە شاری سەقز وبۆکان و سنە بەرەو شاری بانە ڕەوانە کراون و کۆپتیەرە نیزامییەکان بە ئاسمانی بانەوە دەسووڕێنەوە.
چەند کەس لە چەکدارانی خۆجێی شاری بانە کارتی بەسیچی خۆیان سووتان بەدوای کوژرانی دوو کۆڵبەری خەڵکی بانەو نارەزایەتی دەربڕینی ئەو خەڵکە و هێرشی بەبڵاوی هێزە ئەمنییەکانی رێژیم بۆ سەر خۆپێشاندەران. چەند کەس لە چەکداران و ئەندامانی سەر بە سپای پاسداران لە هەڵوێستێکی کوردانەدا ، کارتی بەسیجی خۆیانیان سووتان و گەرانەوە بۆ باوەشی گەل. نارەزایەتی دەربڕینی شاری بانە کاردانەوەی جیاجیا لێکەوتووتەوەو هەواڵەکان باس لە میلیتاریزە بوونی زۆربەی شارەکانی کوردستان دەکەن.
چاوەڕێ زانیاریی زیاتر بن لەو بارەوە.