به‌بۆنه‌ی جێژنی پیرۆزی قوربانه‌وه، که جیا له گرینگییه ئایینییه‌که‌ی، هه‌ڵگری زۆر په‌یام و مانا بۆ خه‌بات و قوربانیدانی گه‌لی کورد له‌پێناوی ئازادی و رزگاری نه‌ته‌وایه‌تیشه، پڕ به‌دڵ پیرۆزبایی به خوشک و برایانی موسڵمان له کوردستان ده‌ڵێم.
له هه‌لومه‌رجێکدا که رۆژهه‌ڵاتی نێوه‌ڕاست به گشتی و کوردستان به‌تایبه‌تی به هه‌لومه‌رجێکدا تێده‌په‌ڕن که پێویستیی به لێبورده‌یی و ئاشته‌وایی گه‌ل و پێكهاته‌کانی هه‌یه، ئاواته‌خوازم که ئه‌م جه‌ژنه ببێته هه‌وێنی لێکگه‌یشتن و ئاشتی و خێر و خۆشی بۆ هه‌موو لایه‌ک، و له‌وه‌ش گرینگتر یه‌کگرتنی هه‌رچی زیاتری ریزه‌کانی گه‌له‌که‌مان به هه‌موو جۆراوجۆرییه ئایینی و که‌لتوری و سیاسییه‌کانییه‌وه.
مسته‌فا مه‌ولودی
سکرتێری گشتیی حیزبی دێموکڕاتی کوردستان
جه‌ژنی قوربانی ٢٠١٧ی هه‌تاوی (١٣٩٦ی هه‌تاوی)
