بە پێی هەواڵ کۆمیسیۆنی تەشکیلات ، حەسەن ئەحمەدی ناسراو بە مام حەسەن مەکڵاوەیی باوکی شەهید عومەر ئەحمەدی ڕۆژی ڕابردوو ڕێکەوتی ٧ی خەرمانان ماڵاوایی لە ژیان کرد .
مام حەسەن مەکڵاوەیی چەند ساڵێکە ماڵیان چووبووە شاری بانەو هەر لەوێدا کۆچی دوایی کرد.
شایانی باسە حەسەن ئەحمەدی وەکوو زۆربەی بنەماڵەی رووسووری شەهیدان لە نێو ئاپۆڕای خەڵکی ئەمەگناسی سەردەشت لە گوندی کۆڵەسەی خواروو، تەرمەکەی ئەسپەردەی خاک کرا.
جێی وەبیر هێنانەوەی شەهید عومەرئەحمەدی کوڕی مام حەسەن مەکڵاوەیی پێشمەرگەی حیزبی دێموکرات بووە کە سەنگەری بەرگریی کردن لە خاک و خەڵکی کوردستان گیانی پیرۆزی پێشکەش بە بارەگای ئازادی کرد.
ڕاگەیاندنی حیزبی دێموکراتی کوردستان وێڕای هاوخەمیی کردن لە بنەماڵەی سەرفەرازی شەهید عومەر ئەحمەدی و سەرجەم کەسوکاری مام حەسەن مەکڵاوەیی خۆی لە خەمیان بە بەشدار وشەریک دەزانێ.