سەرۆكی ڕێكخرازی بەرێوەبەرایەتیو پلاندانانی ئیران ڕۆژی هەینی باسی لە كەمكرانەوەی بڕی ٣ هەزار میلیارد تمەن لە یارانەی خەڵكی ئێران كردووە.
بەپێی ڕاپۆرتی سایتی شەبەكەی خهبهری سهر به دهنگو ڕهنگی کۆماری ئیسلامی مورتەزا نۆبەخت وێڕای ئاماژە بەم بابەتە كە لە ئێستادا خەریكی ئامادە كردنی ئاییننامەی كەمكردنەوەی یارانەكانن، ڕایگەیاندوه كە حەوتووی داهاتوو لە هەیئەتی دەوڵەتدا تاوتوێی ئەم ئاییننامەیە دەكرێ.
ناوبراو وێڕای پێداگری لەسەر ئەوەی كە بەپێی قانوونی ئامانجدار كردنی یارانەكان، دەبێ دەوڵەت ئەم ٤٢ میلیارد تمەنەی وەك یارانە بەسەر بنەماڵەكاندا بەش دەكا، بۆ ٣٩ هەزار میلیارد تمەن كەم بكاتەوە، گوتی: ئاڵوگۆڕ بەسەر میكانیزمی پێدانی یارانەكاندا دێنن.
نۆبەخت دەڵی، دەوڵەت لەگەڵ كەمبوونی سەرچاوەكانی داهات بەرەوڕوو بۆتەوەو ئەگەر بیهەوێ بەپێی قانوونی ئامانجدار كردنی یارانەكان، لە ڕێگەی بەرزكردنی نرخەكانەوە ئەم پارەیە بۆ خەڵك دابین بكا، هەر كەسە و كەمتر لە ١٠ هەزار تمەنیشی پێ نابڕێ.
