پارێزگاری سنە دان به داخرانی نیوەی کارگاو یەكە بەرهەمهێنەرو پیشەسازییەكانی ئەم پارێزگایە داده‌نێ، بەڵام چاوپۆشی لە گرفتەكانی بێكاری‌و بەرز بوونەوەی دەرەنجامەكانی ئەم كێشەیە بەهۆی سیاسەتی دەوڵەت لە كەرتی پیشەسازی لەم پارێزگایە دەكا.
عەبدولمحەممەد زاهیدی، پارێزگاری سنە لە كۆبوونەوەیەكدا لەگەڵ جێگری وەزیری تەعاون لە سنە گوتی: لە حاڵی حازردا لەنێو سەرجەم کارگاو کارخانه پیشەسازییەكانی پارێزگای سنەدا نیوەیان داخراون‌و لە كارو چالاكی وه‌ستاون.
پارێزگاری سنە لە زمان سەرچاوە جۆراوجۆرەكانەوە، ئاماژەی بە ئاستی بێكاری لەم پارێزگایەدا كربه سه‌رنجدان به بارودۆخی كۆمەڵایەتیی پارێزگای سنە، ڕێژەی زۆری بێكاری لەم پارێزگایە بە ئاسانی هەست پێدەكرێ.
پارێزگاری سنە لە بەشێكی دیكەی قسەكانی خۆیدا، پڕژاوەتە سەر تواناو زه‌رفییه‌تی زۆری ئەم پارێزگایە لە بواری گەشەی چالاكییەكانی بەشی تەعاون، بەڵام نەیگوتووە كە سەرەڕای ئەم هەموو بارستایی‌و بەستێنە باش و لەبارە، لەبەرچی دەبێ بارودۆخی گەشەی ئابووری و بەرهەمهێنان لەم پارێزگایە بەو جۆرە بێ.
