کۆمەڵیک لە چالاکانی مەدەنیی شاری سەقز کە بەشدارییان لە رێوڕەسمی نەورۆزیی ئەمساڵدا کردبوو، لەسەریان کردوون کە دەبێ لە ماوەی ٥ ڕۆژدا خۆیان بە دادگای شۆڕشی ئەو شارە بناسێنن.
ماڵپەڕی مامۆستا و کرێکار لەگەڵ بڵاوکردنەوەی ئەو هەواڵە دەڵێ ئەو کەسانە پێشتر لە ڕۆژانی ٣ تا ٥ ی خاکەلێوەدا سەبارەت بە بەڕێوەچوونی ڕێوڕەسمی نەورۆزی لە گوندی ئایچیی سەقز بانگ کرابوونە ئیتلاعات و ناوەندە ئەمنیەتییەکان و بە تۆمەتی چالاکیی تەبلیغی لە دژی کۆماری ئیسلامی لێپێچینەوەیان لێکرابوو و دواتر بە دانانی بارمتە بە شێوەی کاتی تا کاتی دادگاییکردنیان ئازاد کرابوون.