شەهید

ئەم خوێنەی لە دەمارەکانی

مێژووم دەڕژێ

بەشی هەموو وەرزەکانی ساڵ ئەکا

ڕۆژ نییە

فیشەک، شاباڵی شێعرێک و

کارمامزێکی شاخ و

کوترێکی عاشق و

جەنگاوەرێک لە ڕەگەزی خاک نەپێکێ

لەوەتەی هەم

هەر لە کۆچی خۆمدا دەگەوزێم و

هەر منم

ڕۆحی شەهیدێک بە ئەمانەت وەردەگرم و

سەرلەنوێ شەهید دەبمەوە

لەوەتەی هەم

« بازێکم خەون بە دیل بوونمە دەبینن و

من

ئەمما

بەرز دەفڕم بۆ تەشقی ئاسمان

سەرچاوە: ڕۆژنامەی کوردستان ژمارە ٧٠٦.