٣١ی پووشپەڕی ساڵی ١٣٦٧ی هەتاوی لە رۆژمێری کارەساتەکانی گەلی کورد لە رۆژهەڵاتی کوردستان وەبیرهێنەری بوردۆمانی شیمیایی ئاوایی “زەردە” لە ناوچەی داڵاهووی کرماشانە ، کە ٢٩ ساڵ بەسەر ئەو کارەساتە تێدەپەڕێ و زامێکی بەسۆیە لە جەستەی نیشتمان.
بەرەبەیانی رۆژی ٣١ی پووشپەڕی ساڵی ٦٧ی هەتاوی، چەند ئاوایی لە ناوچەی کرماشان کەوتنە بەر هێرشی شیمیایی و لە ئەنجامی ئەو کارەساتە ٢٥٠کەس لە هاووڵاتیانی کوردی یارسان شەهید کران و زیاتر لە ١٤٠٠کەسیش برینداربوون.
شیاوی باسە لە ٣١ی پووشپەڕ گوندەکانی زەردە، دیرە و سەر میل سەر بە ناوچەی داڵاهوو و گیڵانغەرب و سەرپێڵ کەوتنە بەر هێرشی شیمیایی فڕۆکەکەکانی رێژیم بەعس.
لە ئاکامی ئەو هێڕش جیا لە شەهید کرانی ٢٧٠ هاووڵاتی کوردی یارسان بە سەدان کەسیش زیانی جەستەییان وەبەرکەوت. دڕەندەیی رێژیمی کورد کوژی بەعس لە لایەک و، کەمتەرخەمیی بەرپرسانی کۆماری ئیسلامی زامی ئەو کارەساتەی قووڵتر کردوتەوە.
کۆمیسیۆنی ڕاگەیاندنی حیزبی دێموکراتی کوردستان وێڕای هاوخەمیی کردن لە گەڵ کەسوکاری شەهیدانی ئەو کارەساتە ئینسانییە، بۆ سەرجەم زیان وەبەرکەوتووان، سڵامەتی وچاکبوونەوە بە ئاوات دەخوازێ.