عوسمان بایدەمیر وتەبێژی پارتی دیموكراتی گەلان دهڵێ، بهبێ هیچ مهرجێك پشتگیری له سهركردایهتی كورد له باشووری كوردستان دهكهین و پاڵپشتی خۆی و پارتهكهشی بۆ ئهنجامدانی ڕیفراندۆم بۆ سهربهخۆیی كوردستان ڕاگهیاند.
عوسمان بایدەمیر وتەبێژی پارتی دیموكراتی گەلان (ھەدەپە)، سهبارهت به ریفراندۆم بۆ سەربەخۆیی كوردستان لە وەڵامی لێژنەی ئەنجوومەنی ئاسایشی نەتەوەی توركیە و رەجەب تەیب ئەردۆغان سەركۆماری توركیە گوتی: “ئەگەر كورد بە برای خۆت دەزانی ھەڕەشەت لە سەركردایەتی و خەڵكی باشووری كوردستان نەدەكرد”.
بایدهمیر له درێژهی قسهكانیدا له پارلمانی توركیە گوتی: “ئەگەر تۆ كوردت وەك برای خۆت قبوڵكردبا، لە لێژنەی ئەنجوومەنی ئاسایشی توركیە ھەڕەشەت لە سەركردایەتی كورد و خەڵكی باشووری كوردستان نەدەكرد، سەربەخۆیی بۆتۆ پرسێكی زۆر گرنگە، چۆن سەربەخۆیی بۆ كورد پرسێكی گرنگ نەبێ”.
هەروەها عوسمان بایدهمیر دووپاتی كردهوه، ئهوان وهك ههدهپه، ویستی خهڵكی باشووری كوردستان “لهسهر سهر و سهرچاوان” قهبووڵ دهكهن و به بێ هیچ مهرجێك پشتگیری له سهركردایهتی كورد دهكهن.
بایدهمیر سهبارهت به سهربهخۆیی و دهوڵهتی كوردی له باشووری كوردستان گوتی: “شتێك كە بۆتۆ رەوایە ئەی بۆ بۆ كورد رەوا نەبێ. شتێك بۆتۆ حەڵاڵ بێ بۆچی بۆ كورد حەرام بێ”.
شیاوی باسە لە کاتی ڕاگەیاندنی هەواڵی بەڕێوەچوونی گشتپرسی بۆ سەربەخۆیی باشووری کوردستان لە نێو وڵاتانی ناوچەو لایەنە سیاسییەکانی کاردانەوەی جۆراجۆری لێکەوتوتەوە.