سهعید شێرزاد، بهندكراوی سیاسیی كورد له زیندانی ڕهجایی شاری كهرهج له بارودۆخێكی خراپی جهستهییدا پێی له چوارهمین ساڵی دهسبهسهركرانی نا.
بهپێی ڕاپۆرتی هێرانا، سهعید شێرزاد، بهندكراوی سیاسیی بهندی١٢ی زیندانی ڕهجایی شاری كهرهج به تۆمهتی ڕێكخستنی كۆبوونهوه دژی ئاسایشی نیشتمانیی ئێران ڕۆژی ١٢ جۆزهردانی ساڵی ٩٣ له شوێنی كارهكهی له پاڵاوگهی تهورێز دهسبهسهركرا، ئهوه له حاڵێكدایه كه ناوبراو له بارودۆخێكی جهستهیی خراپدا پێی له چوارهمین ساڵی بهندكراوی خۆی نا.
سهرچاوهیهكی نزیك به سهعید شێرزاد ڕایگهیاند كه ناوبراو له ماوهی ئهو چهنده ساڵهدا تووشی پشت ئێشهیهكی توند هاتووه ههندێك جار تهنانهت ناتوانێ له جێی خۆی بجووڵێ ماوهی زیاتر له ٢ ساڵه ئهو نهخۆشییه بڕستی لێبڕیوه و حهوتووی ڕابردوو له ناكاو بهبێ ئاگاداركردنهوهی پێشوو به مهبهستی كۆمهڵێك تاقیكردنهوهی پزیشكی بۆ نهخۆشخانهی دهرهوهی زیندان گواسترایهوه.
ناوبراو ڕۆژی ١٢ی جۆزهردانی ساڵی٩٣ له شوێنی كارهكهی له پاڵاوگهی تهورێز دهسبهسهركرا و بۆ زیندانی ئێچین گواسترایهوه و پاش ماوهیهك بههۆی ناڕهزایهتی له بارودۆخی زیندان بێ ئهوهی كه دادگایی بكرێ یان به شێوهی كاتی دهسبهسهر بكرێ بۆ زیندانی ڕهجایی شاری كهرهج دوورخرایهوه و پاش ١٥ مانگ لهلایهن دادگای شۆڕش له شاری تاران به تۆمەتی پێكهێنانی كۆبوونهوهی دژی ئهمنیهتی میللی حوكمی ٥ ساڵ زیندانی تهعزیریی بهسهردا سهپا.
سهعید شێرزاد پێشتریش له ڕۆژی ٣١ی گهلاوێژی ساڵی ٩١ به مهبهستی یارمهتیگهیاندن به خهڵكی بوومهلهرزه لێدراوی “ئهههر” چووبوو له لایهن هێزه ئهمنیهتییهكان دهسبهسهردهكرێ و پاش١٩ ڕۆژ كهفالهت ئازاد كرا.
شێرزاد له سهرهتای دهسپێكی زیندانی كردنی بههۆی پێشێلكاریی مافهكانی مرۆڤ له زیندان ناڕهزایهتیی دهربڕیو مانی له خواردن گرت و، تهنانهت لێوهكانی خۆشی دووری.
ههروهها جارێكی دیكهش له نامهیهكدا بۆ كاربهدهستانی زیندان بههۆی بهردهوامیی بێڕێزیكردن به بنهماڵهی بهندكراوان و له كاتی گواستنهوهی بهندكراوان بۆ نهخۆشخانه به لێدان و كوتان ، مانی له خواردن گرت و نهخۆشێكی قورسی پێوهنووسا و له چوونی بۆ نهخۆشخانه خۆی بوارد.
ناوبراو ڕۆژی ١٥ بهفرانباری ساڵی ٩٥ پاش چاوپێكهوتن به بهرپرسانی زیندان و پێدانی واده و بهڵێنی به مهبهستی جێبهجێكردنی داواكارییهكانی پاش ٣٩ ڕۆژ مانگرتنهكهی شكاند.
