بە پێی هەواڵی گەیشتو بەرەبەیانی رۆژی سێ شەممە ڕێکەوتی ٩ی جۆزەردان ٩٦ی هەتاوی عەبدوڵڵا بەرشان باوکی، ڕەحیم بەرشان شەهیدی نێو سەنگەرەکانی حیزبی دێموکراتی کوردستان بە هۆی نەخۆشیەوە ماڵاوایی لە ژیان کرد.
ناوبراو خەڵکی گوندی نمنجێ لە ناوچەی پیرانشار بوو، وەکوو سەرجەم بنەماڵەی سەرفەرازی شەهیدان لە نێو خەڵکی ناوچەکەی جێگەی ڕیزو حورمەت بوو
عەبدوڵڵا بەرشان پیاوێکی لەبەردڵان و قسەخۆش بوو، کە خەمی بەژانی رۆڵەکوژراوی لە ناخدا هەڵگرتبوو، بەڵام لە نێو خەڵک لێو بەبزەو خەندە بوو هەتا هێوابەخش بێ و، بە جۆرە دەیسەلماند کە کورەکەی پێشکەش بە بارەگای ئازادی کردوە.
شایانی باسە شەهید رەحیم بەرشان کادری حیزبی دێموکرات لە ساڵی ١٣٦٩ی هەتاوی لە سەنگەری بەرگری کردن لە خاک و مافی نەتەوەکەی پەیوەست بوو بە کاروانی نەمرانەوە.
ڕاگەیاندنی حیزبی دێموکراتی کوردستان وێڕای پرسەو سەرەخۆشی کردن لە سەرجەم کەسوکاری خوالێخۆشبوو، بەتایبەتی بنەماڵەی بەڕێزیان ، خۆی بە هاوخەمیان دەزانێ