هێزەكانی ئیدارهی ئیتلاعات لە شاری بانە، داوایان لە بنەماڵەی زیندانیی سیاسیی کوردی ئێعدامكراو شێركۆ مەعارفی كردووە تا هاوكاریی ئهو ناوهنده بکهن.
بنەماڵەی شێركۆ مەعارفی كە ساڵی 1392 لە زیندانی سەقز ئێعدام كرا، لە دوو مانگ لەمەوبهرەوە تا ئێستا چەندین جار بە بەردەوامی لە لایەن ستادی هەواڵگریی ئیدارەی ئیتلاعاتی شاری بانەوه بانگ كراونو داوایان لێ كراوە تا ببن بە ئەندامی بەسیجو هاوكاریی ئیدارەی ئیتلاعات بكەن.
بەپێی ڕاپۆرتی ماف نیوز، ئیدارەی ئیتلاعاتی بانە، هەڕەشەی لە بنەماڵەی مەعارفی كردوە كە نابێ بە هیچ شێوەیەك ئهو بابهته ئاشکراو به میدیایی بکهنو داوایان لێكردوون كە یا دەبێ هاوكاریی ئیتلاعات بكەن یان لە ژێر فەرمانی ڕێكخراوی بەسیجدا بن تا ئیدارەی ئیتلاعات وازیان لێ بێنێو كاری بە كاریان نەبێ.
شێركۆ مەعارفی بەندكراوی سیاسیی كوردی مەحكوم بە ئێعدام له تهمهنی 32 ساڵیو ڕۆژی دووشەممە 13ی خەزەڵوەری ساڵی 1392 لە زیندانی ناوەندیی شاری سەقز ئێعدام كرا.
مەعارفی خەزەڵوەری ساڵی 1387 بە تۆمەتی هاوكاریكردنی یەكێك لە حیزبە بەرهەڵستكارەكانی كۆماری ئیسلامی دەستبەسەرو لەو كاتەوە تا دوایین ساتەكانی ژیانی لە زیندانی شاری سەقزدا بهند کرابوو.
