ئێوارەی رۆژی یەکشەممە ڕێکەوتی ٣١ی بانەمەڕ خەڵاتی مەڵبەندی “ماملێ” ، بە هونەرمەندی دەنگ ناوازەی کورد، مەزهەرخالقی بەخشرا.
لە رێورەسمی دابەشکردنی خەڵاتی ماملێ کە لە وڵاتی سوید بە ئامادەبوونی چەند کەس لە ئەندامانی بنەماڵی محەممەدی ماملێ و بەشێک لە هونەردۆستانی کوردو، چەند نووسەر و توێژەی بواری مووسیقا بەڕێوەچوو، ئەو خاڵاتە بە هونەرمەندی بەهەرەمەندی کورد، مەزهەر خالقی بەخشرا.
لە کۆڕە هونەرییەدا دکتور هاشم ئەحمەدزادە ، نووسەروتوێژەی کورد باسێکی لەسەر کولتوور وەک بنەما و ژێرخانی نەتەوە، پێشکەش بە ئامادەبووان کرد.
پاشان چەند گورانی کوردی و سویدی پێشکەش کراو و لە بڕگەیەکی دیکەدا، خانە ماملێ بە نوێنەرایەتی بنەماڵەکەیەوە وتارێکی لەسەر مەبەست بە دابەشکردنی ئەم خەڵاتە هونەرییە پێشکەش بە ئامادەبووان کرد.
هونەرمەندان نەجمەدین غولامی و پدرام شەهلایی لە مێوانانی ئەو کۆڕە هونەرییە بوون و، لە بڕگەیەکی دیکەدا هونەرمەند مەزهەر خالقی تابلۆی نەورۆزی وەکوو دیاری و ئەمەگناسی پێشکەش بە بنەماڵی ماملێ کرد.
لە درێژەی ئەو ڕیورەسمەدا ناسری حیسامی شاعیرو وەرگێڕی کورد و چەند کەسی دیکە لە قەڵەمبەدەستانی کورد وتارو بابەتی خۆیانیان پێشکەش کرد.
شایانی باسە چەندین موزیسین و هونەرمەندی کوردو بیانی بەشداری ئەو ڕێوڕەسمە بوون.
ئاخرین بڕگەی ئەو رێورەسمە بەخشینی خەڵاتی ماملێ بوو بە مەزهەر خالقی کە لایەن خانە کوڕی مامۆستا ماملێ وعومەرشیخ مووس، سەرۆکی پێن کوردی سەربە ئەنجومەنی جیهانیی پێنووس و ئینمار ئۆلسوون هونەرمەندی سویدییەوە پێشکەش مەزهەری خالقی کراو بەوشێوە لە تەمەنێک خزمەت وتێکۆشانی ناوبراو لە بواری گەشەی گۆرانی و مووزیکی کوردی ڕێزی لێگیرا
لە ساڵانی پێشوودا خەڵاتی مەڵبەندی هونەریی ماملێ بە هونەرمەندان، ناسر ڕەزازی، عەزیز شاهڕوخ، نەمر قالە مەڕە و عەباس کەمەندی پێشکەش کراوە.