بەپێی دوا ئاماری وەزارەتی دەرەوەی کۆماری ئیسلامیی ئێران ٣ ھەزار و ١٣١ھاووڵاتی ئێران لە گرتووخانەكانی وڵاتانی دیكە دەستبەسەر کراون.
وەزارەتی دەرەوەی کۆماری ئیسلامیی ئێران لەگەڵ ئاشكرا كردنی ئەو ئامارە بڵاویشی كردۆتەوە كە ئەو كەسانە زۆرتر بە تاوانی بازرگانی بە ماددەی ھۆشبەر و لە دوای ئەوان تاوانەكانی قاچاخی مرۆڤ و پرسی ئابووریی لە زینداندان.
لە ڕاگەیاندراوی وەزارەتی دەرەوەدا ھاتووە كە زۆربەی ئێرانییە دەستگیركراوەكان لە وڵاتانی توركیە، ئەرمەنستان، ئیمارات و مالیزی بەندکراون.