بەشێکی بەرچاو لە پەنابەرانی کوردی یارسانی لە شاری کۆپینهاگ پێتەختی وڵاتی دانمارک بۆ وەدەستهێنانی مافی پەنابەری خۆپێشاندانێکیان وەڕێخست.
هەواڵەکان باس لەوەدەکەن کە رۆژی ٢٧ی ئابرێڵی ٢٠١٧ی زاینی، بەشێکی بەرچاو لە کوردانی یارسانی لە هەمبەر چەواشەکارییەکانی کۆماری ئیسلامی کە بە وڵاتی دانمارکی ڕایگەیاندوە کە لە ئێران ئاینێک بە ناوی یارسان نیە هەتا هەڵاواردن و دووچاوەکی ئاینی هەبێ و هەر بۆیەش وڵاتی دانمارک مافی پەنابەریی بە شێکی زۆر لە کوردانی یارسانی ڕاگرتووە و، هەر ئەمەش گرفت وکێشەی ساز کردوە بۆ چەندین بنەماڵەی یارسانی لەو وڵاتەدا
یەکێک لە پەنابەران بە کوردستان وکوردی ڕایگەیاندوە کە سەرەڕای ئەوەی کە چەند هەزار کوردی یارسانی بەهۆی فشاروئازاری کۆماری ئیسلامیی ئێران بە ناچاری زێدوخاکی خۆیانیان بە جێهێشتووە و ئێستاکە لە وڵاتانی ئەورووپایی نیشتەجێن بەڵام بەشێک لەوان هێشتاکە نەیانتوانیوە مافی پەنابەری وەربگرن.