بەرێوەچوونی سیمینارێکی سیاسیی لە وڵاتی فینلاند بۆ بەڕێز مستەفا شەڵماشی

ڕۆژی شەممە رێکەوتی ١٥-٤-٢٠١٧لە لایەن کۆمیتەی حیزبی دێموکراتی کوردستان لە وڵاتی فینلاند، سیمینارێکی سیاسی بۆ بەرێز و تێکۆشەر کاک مستەفا شەڵماشی ئەندامی دەفتەی سیاسیی و بەرپرسی حیزب لە دەرەوەی وڵات لە شاری تورکو پێک هات. سەرەتای سمینارەکە بە سروودی نەتەوەیی ئەی رەقیب و خولەکێک بێ دەنگی بۆ رێز گرتن لە شەهیدانی کورد و کوردستان دەستی پێکرد، ئینجا لە لایەن کاک ئەییوب سوری بەرێوەبەری سمینارەکە وێرای بەخێر هێنانی میوانەکان و نوێنەرانی حیزب و لایەنە سیاسیەکانی کوردستان و هەروەها لە پێوەندی پێک هێنانی سمینارەکە و باسەکانی ئەو سمینارە بە کورتی بۆ بەشداران دوا و دوای لە کاک مستەفا کرد بۆ پێشکەش کردنی باسەکەی.

کاک مستەفا شڵماشی لە سەرەتای باسەکەیدا بە بۆنەی ١٠ی خاکەلێوە رۆژی شەهیدانی کوردستان و سالیادی کارەساتی دلتەزێنی کارەساتی ئەنفال سڵاو و رێزی نارد بۆ شەهیدانی کوردستان و بنەماڵە سەربەرزەکانیان، پاشان بە وردی لە مەر دوایین ئاڵ و گۆرە جیهانیەکان و کاریگەریەکانیان لە سەر کوردستان و ناوچەی رۆژهەڵاتی ناوەراست و سیاسەتی حدک لە پێوەندی لەگەڵ ئەو ئاڵ و گۆرانەدا باسێکی پوخت و پڕ نێوەرۆکی پیشکەش کرد.. لە بەشی کۆتایی سمینارەکە بەشداران بە هێنانە بەر باسی پرسیار و تێبینی و پێشنیارەکانی خۆیان نێوەرۆکی سمینارەکەیان دەوڵەمەندتر کرد. شایانی باسە وێرای بەشداری نوێنەرانی حیزب و لایەنە سیاسیەکانی کوردستان ، بەشێکی بەرچاو لە ئەندام، لاینگر و دۆستانی حدک لە وڵاتی فینلاند بەشداری ئەو سمینارەیان کرد .

 

1 لە 21

- +

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.