کومیتەی ح د ک لە وڵاتی دانمارک، بە بۆنەی ١٠ی خاکەلێوەوە، ڕێوڕەسمێکیان لە سەر گڵکۆی نەمر کاک نەبی قادری بەڕێوە برد

ڕۆژی یەکشەممە ڕێکەوتی ٢ی ئاوریلی ٢٠١٧ی زایینی، کاتژمێر ١١ی سەرلە بەیانی کۆمیتەی حیزبی دێموکراتی کوردستان لە وڵاتی دانمارک بە بۆنەی ١٠ی خاکەلێوە ڕۆژی شەهیدانی کوردستان و ٧٠ مین ساڵڕۆژی لە سێدارە درانی پێشەوا قازی محەممەد و هاوڕێیانی، ڕێوڕەسمێکی ڕێز لێنانی لە سەر گڵکۆی نەمر کاک نەبی قادری لە شاری کۆپێنهاک و بە بەشدار ئەندامانی حیزب و بنەمـاڵەی نەمر کاک نەبی قادری ئەندامی ڕێبەری حیزب پێک هێنا . سه‌ره‌تای رێوره‌سمه‌که‌ به ده‌قیقه‌یه‌ک بێده‌نگی بۆ ڕێزگڕتن له گیانی پاکی شه‌هیدانی کوردستان ده‌ستی پێکرد، بەڕێز خالید ڕەواندووست بەرپرسی کۆمیتەی حیزب لە دانمارک چەند وتەیەکی پێشکەش کرد و چەپکە گووڵی ڕێز و وەفاداریان لە سەر گڵکۆی نەمر شەهید نەبی دانا، پاشان کاک ناسر پیرانی ئەندامی لە مێژینەی حیزب چەند وتەیەکی لە سەر ڕۆژی شەهیدان پێشکەش بە ئامادە بووان کرد . دواتر لەوحەی ڕێز لێنان لە بنەماڵەی شەهیدانی حیزب پێشکەش بە بنەماڵەی سەربەرزی شەهیدان لە دانمارک کرا. لە هەمان کاتدا سەردانی گڵکۆی نەمران کاک خووسرە مووزەفەری و کاک عەلی حەسەنیان ناسرا بە هاواری شاعیر کرد چەپکە گووڵی ڕێز وەفادارییان لە سەر مەزارەکانیان دانرا .

پێویست بە ئاماژەیە کە هاوڕێیانی حیزبی لە وڵاتی دانمارک، بۆ جارێکی پەیمانی وەفا و بەردەوام بوون لە سەر ڕێبازی شەهیدانیان نوێ کردەوە.

 

1 لە 8

- +

1.

2.

3.

4.

5.

6.

7.

8.