لێرە ماڵیک هەیە!!!!
نە چاوەکانی ڕوناکی نە تاڵە نەرمەکانی ،
خۆر
نەسەفەری هیچ بایێ دەی گرێتەوە .
هیچ فرینێ باڵەکانمان نادوینێ،
بەهار نایە نێرگزێک بکاتە ملوانکەی گەردنمان
چرۆکانی تەمەنمان هەمیشە زەرد هەڵگەراو.
پێکەنینمان تۆراو
هەناسەمان بی مروەتی دەردەکا لە گیان.
ئیمە سێبەری خوێناویترین جەستەین
بۆنی پیرترین خەممان لێدێ.
دڵۆپێ خۆشەویستی مان ناگاتێ.
مشتی بون ناکەوێتە سەر پەنجەرەی ژورەکەمان
ئێمە هەر هەموومان لە بی هودەییدا پیر دەبین
دەبینە جنسی با لێرە!!!!!
لێرە ماڵێک هەیە
پرە لە هەنسکی ماندو، لە بۆنی غەریب، لە جانتای سەفەری دوور
لە شووشە حەتری کچان لە گزنگی ڕوناکی،
ئێرە هەر درەختی نێر و هەتاوی نێر دەی گرێتەوە
لە هەموو ئیوارەکانی مانگی سێدا
ئێمە پڕ دەبین ،،
لە کەرەسەی شێعری گەرم و ، ڕستەی سەوز و
هەر دەڕۆین و خەم درێژ تر و درێژ تر دەبیتەوە
تەنها لە مانگی سێ دا سێ!!!!
تارمای خەمی ئیمە لەسەر شوشەی دڵمان لادەدەن
ژانی ئیمە دەهۆنەوە،
تەنها ئەو کات رەنگی ئیمە دەنگی ئێمە دەدۆزنەوە
شەونمی گۆنامان دەبینین تەنها ئەوکات
ماڵی ئیمە دەبینەوە
لێرە ماڵیک هەیە
کوێستان
01.03.2017
