بە پێی هەواڵی گەیشتوو لە شاری شنۆ ئیدارەی فەرهەنگ وئیرشادی ئیسلامی لە ژێر گوشاری ئیداری ئیتلاعاتی ئەو شارە کۆڕێکی فەرهەنگی وئەدەبی لەو شارە پەکخست.
بنکەی فەرهەنگی، هونەری پرشنگی گەلاوێژ کە ناوەندێکە چالاکە لە بواری ئەدەب وهونەر لە سار شنۆ، لە دوایین چالاکییەکانی خۆی کە بڕیاربوو کۆبووونەوەیەکی زانستی بۆ رەخنەو هەڵسەنگاندی بەرهەمەکانی موحسێن جەڵدیانی یەکێک لە سیما ناسراوەکانی ئەو شارە بەڕێوە ببا، پاش ئاگادادرکردنەوەی هۆگران و ئامادەکاری بانگهێشت کردنی مێوان لە شارەجیاجیاکانی کورستان، ئیدارەی ئیتلاعاتی شاری ورمێ لە ڕیگەی ئیرشاد ئیسلامییەوە رێگەی بە بەڕیوەچوونی ئەو کۆڕە فەرهەنگییە نەدا.
شایانی باسە چالاکان و خەمخۆرانی بنکەی پرشنگی گەلاوێژ بە تێچووی زۆری مادییەوە ئەو کوڕەیان ئامادەکردبوو کە رۆژی سێشەممە بە زەبری لایەنە ئەمنییەکان رێگە بەبەرێوەچوونی نەدرا.
جێی وەبیرهێنانەوە چالاکان و تێکۆشەرانی بواری فەرهەنگ وئەدەبیی کوردیی لە هەمووشتی خۆیان مایە دادەنن بەڵام بەداخەوە زۆرجار لەگەڵ هەڵسوکەوتی نەشیاوی کاربەدەستان رووبەڕوو دەبنەوە.
وەک لە هەواڵەکانی پێشووتر باس کرا شاهیدی رووداوی هاوشێوە بووین لە رۆژی جیهانیی زمانی دایک ،لە شاری دێولان و توورەیی چالاکانی وئەدیبانی ئەوشارەی لێکەتەوە.