پێشنیوەرۆی رۆژی یەک شەمە ١٢/٠٢/٢٠١٧ شاندێکی کۆما جڤانێن کوردستان بەسەرپەرەستی هەڤاڵ مانی بە مەبەستی پێشکەش کردنی دوایین راپۆرت لە ئامادەکارییەکانی بەرێوەچوونی کۆنفڕانسی لاوانی هەر چوار بەشی کوردستان سەردانی سکرتاریای یەکیەتیی لاوانی دێموکراتی رۆژهەڵاتی کوردستانیان کرد و لەلایەن شاندێکی یەکیەتیی لاوان بە سەرپەرەستی پێشەوا عەلی پوور سکرتیری گشتیی یەکیەتیی لاوان، پێشوازیان لێ کرا و لەم دیدارەدا کۆمەڵێک بابەت و بەرنامە بۆ هەرچی باشتر بەڕێوەچوونی کۆنفڕانس تاوتوێ کرا.
لەکۆتایی ئەم دیدارەدا شاندی هەردوولا سەردانی گۆڕستانی شەهیدانی کوردستانیان کرد وەک ئەمەگ و وەفایەک بۆ خوینی پاکی شەهیدان. شاندی لاوانی پەکەکە و دێموکرات بە ساتێک بێدەنگی وەستان بۆ گیانی پاکی شەهیدان بە تایبەت شەهیدانی شەوی یەڵدا، پەیمانی رێز و وەفایان نوێ کردەوە و بەڵێنیاندا تا گەیشتن بە ئامانجەکانی نەتەوەکەمان لە تێکۆشان بەردەوام دەبن.