رۆژنامەی ئیبتکار زمانحاڵی دەوڵەتی روحانی لە ڕاپۆرتێکدا بەرپرسانی نیزامی سەبارەت بە گرینگی دان بە هەڕەشەکانی ترامپ و کۆڕوکۆبوونەوە نێونەتەوەییەکان وریا کردەوە.
رۆژنامەی ئیبتکار دەڵێ: دوای پرسی ناوکی ئێستا نۆرە گەیشتووتە سەر پرسی مووشکیی و لەو بارەوە گوشاربە سەر کۆماری ئیسلامییە وهەرەشەی رێبەندانی ئەمساڵ وەبیرهیێنانەوەی هەرەشەی رێبەندانی ساڵی ٨٤ی هەتاوییەو، شەڕ و گەمارۆ دوو ستراتیژی دەوڵەتی ترامپە و دەبێ لەو بارەوە وشیار بین و هەست بە ئەو مەترسییە بکەین.
لە درێژەی بابەتێک لە رۆژنامەی ئینتکاردا هاتووە؛ گەمارۆکان بۆ سەر ئێران فەرمانی کردەوەیی و ستراتیژیکی دەوڵەتی ترامپە سەبارەت بە بەرنامەی مووشەکیی ئێمە و ئەگەری هاتنە ئارای هێرشی نیزامی بۆ سەر ئیران زۆرە چونکە ترامپ بۆ بە کردەوەیی کردنی دروشمەکانی رێگای دوورودرێژی رێکخراوی نێونەتەوەیی ناپێوێ و، تەنانەت تاقەتی چاوەڕێ کردنی پەسەند کردنی برێارەکانی کۆنگرەشی نیە.
شایانی باسە دوای رێککەوتنی ناوکی کۆماری ئیسلامی بە دەس ئاواڵایی زیاترەو دەستێوەردانی لە وڵاتانی ناوچە درێژە پێدا، ئەمەش کۆمەڵێک نارەزایەتی نێونەتەوەیی لێکەتووتەوە.
لەو پێوەندییەدا زیگمار گابریل وەزیری کاروباری دەرەوەی ئاڵمان تاقیکردنەوەی مووشەکیی دەوڵەتی تاران، بە پێشێڵکردنی چەندین گرێبەستی نێونەتەوەیی لە قەڵەم دا و لە گەمارۆنوێیەکانی دەوڵەتی ئامریکا بۆ سەر دەوڵەتی تاران پاڵپشتی کرد.
تیلێرسۆن وەزیری بەرگریی دەوڵەتی ترامپ لەوبارەوە رایگەیاند؛ رێککەوتنی ناوکی بەو شێوە کە هەیە رەنگە رێگربێ لەوەی کە ئێران چەکی ناوکی ساز نەکا، بەڵام پێش کڕین و پتاندنی ئۆرانیوم لە نێو خاکی خۆی ناگرێ.
لە لایەک دیکەش چەندین وڵاتی عەرەبی بە خستنە بەرباسی دەستێوەردان و، کێشەنانەوەی ئێران لە ولاتانی ناوچە خوازیاری گوشاری زیاترن بەسەر رێژیمی کۆماری ئیسلامیی ئێران.
عومەربەشیر سەرۆککۆماری سوودان لەو بارەوە گوتی؛ ئیران دەیهەوێت وڵاتانی عەرەبی بهێنیتە ژێر ڕەکیفی خۆی، ناوبراو بە ئاماژەدان بە دەستێوەردانی کۆماری ئیسلامی رایگەیاند؛ کۆماری ئیسلامی ئێستاشی لەگەل بی خەریکی پەرەپێدانە بە شێعەگەریی لەوڵاتانی ئافریقایی و مەبەستی لەو کارەش کێشەنانەوەیە و دەبێ وڵاتانی عەرەبی بە کۆدەنگییەوە لە هبەر کۆماری ئیسلامی ئێران هەڵویستیان هەبێ.
