بۆ: بەرێزحزبی دیموکراتی کوردستان
ب/ پرسەنامە
بە داخ و پەژارەیەکی زۆرەوە لە کاتێکدا ئەندامان و لایەنگرای حزبی دیموکراتی کوردستان، لە رێورەسمی شەوی یەڵدا و یادی لە دایکبوونی شههیدی ڕێبهر دوکتور قاسملو دەگەڕانەوە لە دوو تەقینەوەی بە دوای یەکدا کە بووە هۆی شەهید بوونی ٥ پێشمەرگەوە ئەو حزبە و دوو کارمەندی هێزەکانی ئاسایش و بریندار بوونی چەند پێشمەرگەیەکی دیکە، وێڕای مەحکوومکردنی ئەو کردەوە تیرۆریستییە ، گۆمان لەوە دا نییە کە ئەم کردەوە جەنایەتکارانە کاری سوپای پاسداران و سوپای قۆدسی رژیم تێرۆریست پەروەری ئێڕانە، کە بەسەدان کردەوەی لەو چەشنەی لە کارنامەی خۆیدا تۆمار کردوە، بێگومان ئەم کردەوانە نە یەکەم جارە و نە ئاخرین جاریش دەبێت، بە لەبەر چاو گرتنی بارودۆخی ناوچەکە و کوردستان بە تایبەتی پیویستە هەموو هێزو لایەنە سیاسیە کانی رۆژهەڵات یەکگرتوو بن و بە یەکگرتووی رووبەرووی کۆماری تێرۆریست پەروەرئێران ببینەوە .
بەناوی ئەنجومەنی سەرکردایەتی ” پارتی لیبراڵ دیمۆکراتی کوردستان” وێڕای محکوم کردنی کردەوە تیرۆریستییە، پشتگیری خۆمان لە خەباتی رەوای حزبی دیموکراتی کوردستان دووپات دەکەینەوە و سەرەخوشی خۆمان ئاراستەی بنەماڵی سەربەرزی شەهیدان و حزبی دیموکراتی کوردستان دەکەین و هیوای چاکبوونەوەیش بۆ بریندارەکان دەخوازیت،
سەرکەوێت جۆلانەوەی ئازادی خوازی گەلی کورد . مەرگ ونەمان بۆ دوژمنانی کورد وکوردستان
پارتی لیبراڵ دیمۆکراتی کوردستان
ئەنجومەنی سەرکردایەتی
٣٠سەرماوەزی ٢٧١٦ بەرانبەر بە
٢١ی دیسمبری ٢٠١٦ی زایینی