خاتوو تووبا شێردڵ دایكی شەهید نادر ئەحمەدپوور لە شاری مەهاباد ماڵاوایی لە ژیان کرد.
بە پێی هەواڵی گەیشتوو بە کوردستان و کورد رۆژی سێشەممە ٩ی سەرماوەز دایکی شەهید نادر ئەحمەدپوور ناسراو بە (شەشە) بە هۆی نەخۆشیەوە کۆچی دوایی کرد، شەهید نادر ئەحمەد پوور ئەندامی دەستەی بەڕێوەبەریی یەکێتی لاوانی شاروێران بوو کە لە ساڵی ١٣٥٩ی هەتاویی لە گەرماوگەرمی خەبات و تێکۆشان نەخوش دەکەوێ و بەهۆی ئەوەی کە بەکرێگیراون بە شوێنیەوە دەبن ناچێتە نەخۆشخانەو، بە خۆڕاگرییەوە تا دوایین چرکەی ژیان پێشمەرگانە دەژێت.
ناوەندی راگەیاندنی حیزبی دێموکرات وێڕای پێشکەش کردنی پرسە و سەرەخۆشی لە بنەماڵەی خاتوو “توبا” و سەرجەم کەسوکاری شەهید ئەحمەد،خۆی بە هاوخەم وشەریکی خەمیان دەزانێ.
