بە پێی هەواڵی گەیشتوو بە کوردستان و کورد رێگەوبانی نێوانی دووشاری بانە وسەردەشت کە لە مێژە نوێژەن نەکراوەتەوە بۆتە هۆی خۆڵقانی رووداوی هاتوچوو ،گیان لەدەستدانی هاووڵاتیان.
لەو ڕپۆرتەدا هاتووە کە لە ماوەی سی و چەند ساڵە بایەخێک بە رێگەوبانی نێوان دووشاری بانە وسەردەشت نەدراوەو، بەرپرسانی پێوەندیداریش لەو بارەوە کەمکار و خەمساردن .
بە گوتەی کەسێکی خەڵکی گوندی کۆخان باس لەوەدەکا کە بە هۆی نالەباریی دۆخی ڕیگەوبانی بانەو سەردەشت بەتایبەتی جادەی کۆخان کە ڕێگەیی سەرەکیی سەردەشتە، هەموو کات پێکدادان و رووداوی هاتوچۆی لێدەکەوێتەوە و، تا ئێستاش خەڵکی ناوچەکە چەندین جار داوکاری و سکاڵایا خۆیانیان پێشکەش بە ناوەندە پێوەندیدارەکان کردووە، بەڵام هیچ وڵامێکیان نەداوەتەوە و لەسەر گوشاری خەڵک بەس هێندیک چاڵوچۆڵیان پڕکردوتەوە. ئەم لە کاتێکدایە دۆخی رێگەوبانەکانی بانە وسەردەشت زۆر لەوە خراپترە و، پێویستی بە نوێژەن کردنەوە هەیە.
لە درێژەی راپۆرتی گەیشتوو وێڕای باس کردن لە کێشەو گرفتی خەڵکی ئەو ناوچەیە بە هۆی نالەباریی رێگەوبانەکان ئاماژەی بەوە داوە کە خەڵکی گوندی “نجنێ سەروو”، کە گوندیکی گەشتیارییە ، بە ناچار خۆیان لە هەڵمەتێکدا رێگەکەیان نەوژنکردەوە.
شایانی باسە بەشی هەرەزۆری رێگەوبانەکانی شارە جیاجیاکانی کوردستان ناستاندارد و لە نالەبارن، ساڵانە دەیان و سەدان کەس لە رووداوی هاتوچوو دەبنە قوربانی.
چەند مانگ لەمەوپێشیش چالاکانی مەدەنی شاری پیرانشاری و شاری نەغەدەش بە رێکخستنی کەمپەین و پێکهێنانی زنجیری مرۆیی سەبارەت بە دۆخی نالەباری رێگەوبانەکانی ئەو ناوچەیە نارەزایەتییان دەربڕی.
