رێکخراوی لێبوردنی نێونەتەوەیی سەبارەت بە ئەگەری لە سێدارە‌دانی هێمن هەورامی‌نەژاد هوشداری دا .
هێمن هەروامی‌نەژاد کە چەند ساڵە لە چاوەڕێی ئێعدام دایە، ٥ ساڵ لەمەوپێش لە تەمەنی ١٧ساڵان لە تێکهەڵچوونێک‌دا کە ئەویش ئامادە دەبێ، کەسێک دەکوژرێت و لەوکاتەوە لە زیندان دایەو حوکمی ئیعدامی بۆ بڕاوەتەوە.
رێکخراوەکانی مافی مرۆڤ سەبارەت بە ڕاگرتنی ئیعدامی مێرمنداڵان و تازە لاوان گوشاریان خستۆتە سەر دەزگای قەزایی کۆماری ئیسلامی ئیران . هەر بۆیە لە شەپۆلی نوێی ئیعدام کردنەکان لە ئێران رێکخراوی لێبوردنی نێونەتەوەیی لە سەر ئیعدامی تازەلاوان و مێرمنداڵان لە ئێران راپۆرتێکی بڵاو کردۆتەوە و بە ئاماژەدان بە تاوانبارانی مێرمنداڵ، خوازیاری هەڵوەشانەوەی حوکمی ئیعدامی هێمن هەورامی‌نەژادە.
شایانی باسە بە پێی ڕاپۆرتی هێرانا، تەنیا لە زیندانی ناوەندیی شاری سنە ٤ تاوانباری مێرمنداڵ بە ناوەکانی یووسف محەممەدی ١٤ساڵان،
سیاوەش مەحموودی ١٧ ساڵان، ئامانج حسێنی ١٧ ساڵان، هەر کام بە تاوانی قەتڵ، حوکمی ئێعدامیان بەسەردا سەپاوە.
