رۆژی ٥ی سەرماوەز دوو پەنابەری رۆژهەڵاتی بە مەبەستی گەیشتن بە وڵاتێکی رۆژئاوایی لە دەریای ئێژە بەلەمەکەیان وەردەگەڕێ و لەو رووداوەدا ئەو دوو پەنابەرە کوردە گیانیان لەدەست داوە.
شایانی باسە دوای دەسپێکردنی کۆڕەوی پەنابەران بەرەو وڵاتانی ئورووپایی، بە پێی راپۆرتی رێکخراوی پزیشکانی بێسنوور لە دەریای مەدیتەرانە، ئەمساڵ زیاتر لە ٤٧٠٠ پەنابەر گیانیان لە دەست داوە کەم ئەم رێژەیە بە بەراورد لە گەڵ ساڵی رابردوو سەتا بیست هەڵکشانی بووە.
شەپۆلی پەنابەریی یەک لە دیاردە نێونەتەوەییەکانە کە وڵاتانی رۆژئاوای بە خۆیەوە سەرقاڵ کردووە و بۆتە بەشێک لە ململانێی نێوان وڵاتەکان.
زۆربەی پەنابەران لە وڵاتانی ئاسیایی و ئەفریقایی روو دەکەنە ئورووپا و، لە مەودای گەیشتن بە وڵاتێکی ئورووپایی تووشی گرفت و کارەسات دەبن.