دوابەدوای بڵاوبوونەوەی هەواڵی دەسبەسەرکرانی رێبەران و پارلەمانتارانی حزبی دێموکراتیکی گەلان لە تورکیە کوردانی دانیشتوو لە شاری واشنتۆن دژکردەوەیان نیشان دا.
رۆژی هەینی ١٤ی خەزەڵوەر بەشێکی بەرچاو لە چالاکان و کەسایەتییە سیاسییەکانی هەرچوار پارچەی کوردستان لە شاری واشنتۆن لە بەردەم باڵوێزخانەی تورکیە خۆپێشاندانێکان وەرێخست.
ئەم خۆپێشاندانە و هەڵوێست گرتنە بەرانبەر بە دەوڵەتی ئوردۆغان و حزبی خاوەن دەسەڵاتی تورکیە ڕێکخراو ئامادەبووان لەو خۆپێشاندانە‌دا بە هەڵگرتنی تراکت ودروشمی پێوەندی‌دار خوازیاری ئەوەبوون کە ڕێکخراوە نێونەتەوەییەکان و وڵاتانی رۆژئاوایی و بەتایبەتی دەوڵەتی ئۆباما لە ئامریکا بەرانبەر بەم پاوانخوازی و سەرەرۆیی ئاک پارتی هەڵوێستیان هەبێ و گوشار بخرێتە سەر دەوڵەتی ئوردۆغان بۆ ئەوەی پرۆسەی دانوستانەکان لەگەڵ لایەنە سیاسییەکانی باکوور درێژە بدات.
چونکە ئەو دەوڵەتە بە ئانقەسەت دانوستانەکانی وەستاند و دەستی داوەتە میلیتاریزە کردنی باکووری کوردستان و لە تازەترین رووداویش هاوسەررۆکی پارتی دێموکراتیکی گەلان سەلاحەدین دەمیرتاش و نزیک بە ١١ ئەندام پارلەمانی پارێزگەکانی کوردستانی بەبیانووی بەربەرەکانی لەگەڵ تێروریزم دەسبەسەرکردوە.
شایانی باسە دەوڵەتی تورکیە تۆمەتی پاڵپشتیی کردنی “هەدەپ”ی لە پارتی کرێکارانی کوردستانی وەپاڵ خستووە کە ئەم تۆمەتەش هەموو کات لە لایەن رێبەرانی هەدەپەوە ڕەت کراوەتەوە.
