سەعد حەریری سیاسەتەمەدارو کەسایەتی ناسراوی لوبنانی، رێژیمی ئێران بە تاوانباری سەرەکیی لە کاولکارییەکانی سووریەو بشێوی وڵاتی یەمەن دەزانێ.
بەرپرسی ڕێکخراوی “المستقبل ” وسەرۆک وەزیری پێشووی لوبنان رۆژی چوارشەممە ٢١ ڕەزبەر بە تاوانبار زانینی ئێران لە کاولکردنی سووریەو، هەروەها بشێوی ودابەشکردنی وڵاتی یەمەن، لەم بارەوە گوتی: رێژیمی کۆماری ئیسلامیی ئێران یەکەم تاوانبارە لە کاولبوونی سووریەو، عیراق ویەمەن و چاوگەی بڵاوبوونەوەی فرقەگەرایی وتێرۆرە لە کۆمەڵگەی ئێمەو، مەترسییەکە بەسەر یەکیەتیی وژیانی بەرەنوێ وداهاتووشمان.
هەروەها لەدرێژەی رەخنە گرتنی لە سیاسەت وپیلانەکانی کۆماری ئیسلامی لە ناوچە و لە جیهاندا رایگەیاند؛ رێژیمی ئێران دەبێ لە ڕشتنی خوێنی خەڵکی یەمەن و سووریەو عیراق و هەڵکوتان و دەستێوەردان لە کاروباری وڵاتە ئیسلامییەکان لە ناوچە وازبهێنی.
سەرۆک وەزیری پێشووی لوبنان “سەعد ئەحریری” لە وتووێژێکدا کە رۆژنامەی “دیلی ستارت” بڵاوی کردوتەوە دەڵێ: دەستی پیلان و سەرەرۆیی کۆماری ئیسلامیی ئێران و حزباللە لە کاولاش کردنی سووریەو ڕشتنی خوێنی ٢٥هەزار خەڵکی بێدیفاعی ئەو وڵاتە، ناشاردرێتەوە و ئەم دوولایەنە بکوژی سەرەکیی خەڵکی سووریەن”
سەعد حەریری لە درێژەی قسەکانی دا گوتی: بەزەیی نواندی ئێران بۆ “حوسییەکان”ی یەمەن درۆکردنیکی دیکەیە بۆ شێواندنی یەمەن و درێژەدانە بە دەستێوەردان لە وڵاتانی ناوچە.کۆماری ئیسلامی ئەگەر ڕاست دەکات بۆ بەرانبەر بە کوشتاری بێڕەحمانەی خەڵکی سووریەو شاری حەڵەب بەزەیی نەنواند واز لە کۆمەڵکوژ کردنی ئەو خەڵکە ناهێنێ.
جێوەبیر هێنانەوەیە “سەعد حریری” کوری رەفیق حریری سیاسەتەمەدارو سەرۆک وەزیری پێشووی لوبنان ە،کە لە ساڵی ٢٠٠٥ لە تەقینەوەیەکدا لە لوبنان کوژراو زۆر لایەن کۆماری ئیسلامی ئێران وحزب اڵلە ودەولەتی ئەسەد یان لەم بارەوە بە تاوانبار زانی.
