بەشێکی بەرچاو لە توێژەران وچالاکانی مەدەنیی رۆژهەڵاتی کوردستان بە درکردنی بڵاوکراوەیەک پێستیوانی خۆیان لە داواکاریەکانی شارۆمەندانی مەریوان و پێراگەیشتن بە دۆخی نالەباری رێگەوبانەکانی ئەوشارە دەربڕی
دەقی بڵاوکراوەکەیان ئەمەیە.
مافی هەبوونی ئەمنیەت لە بارچاوترین وبنەرەتی ترین مافەکانی مرۆڤە و هەموو شیوازە فیکریی و بیرۆکە مرۆییەکان دانیان بەم واقعیەتە داناوە و مەبەست لە ئەمنیەت چەمێکیکی فرەرەهەندەوە هەموو بوارەکانی جەستەیی و رەوانی ئینسانەکان دەگرێتەبەر.
لە ساڵانی رابردوو بەلەبەر چاوگرتنی گەشەی ناڕیک لە گەڵ پەرەسەندنی ژێرخانە بنەرەتییەکانی گواستنەوەی ئابووری سەرسنوور ونێونەتەوەیی بازارچەی سنووریی مەریوان و رێگەو جاددەکانی گواستنەوەی بێ مەترسی وستاندارد و هاتوچۆی فرە جۆری کەرەستە هاتوچۆکەرە ناستاندارەکان زیاتر لە باڕست وتوانای رێگەوبانەکان بووە . بەداخەوە نەک یەک ودووان، دەیان کەڕەت بۆتە هۆی رووداوی دڵتەزین وکارەساتگەلی قەرەبوو نەکراوەی لێکەوتووتەوەو کە لەسەرژیان و رەوانی خەڵک کاریگەریی نەرینی داناوە، تا جێگەیەک کە شارۆمەندان وچالاکانی کۆمەلایەتی ومەدەنی مەریوان تاقەتیان لێ بڕاو، لەم بارەوە وەدەنگ هاتن ڕژانە سەرشەقام و داوای کۆتایی هێنانن بەم دۆخە نالەبارو مەترسیدارەیان کرد و خوازایاری ئەوەن کە بە هەڵمەتیکی بەرپرسانە، لە زووترین کات پرسی نائەمنی وناستانداربوونی ریگەوبانەکانی مەریوان وکوردستان چارەسەر بکرێ.
ئێمەش وەکوو بەشێکی دیکە لە شارۆمەندانی کوردستانی وچالاکانی مەدەنی هاوکات لەگەل پشتیوانی کردن لە خەڵکی وەزاڵەهاتووی مەریوان وداوکارییە رەواکانیان بی هی خۆمان دەزانین وپاڵپشتییان لێدەکەین و داوکارین پێوەندیی دارەکان بە دابین کردنی مووچەی تایبەت لە زووترین کات بە نیسبەت چارەسەریی ونۆژەنکردنەوەی رێگەوبانەکان پلان وبەرنامەی تایبەتیان ڕەچاوبکرێ و ئەم داواکارییە وە پشت گوێ نەخرێت
