بەرپرسانی فەرهەنگسەرای میلل لە تاران بە هۆی هەبوونی چەند ژەنیاری ژن لە گرووپیکی موسیقایی رێگرییان لە بەڕێوەچوونی کۆنسێرتەکە کرد.
بە پێی ئەوهەواڵانەی کە بڵاوبوونەتەوە هیزەکانی حەراستی فەرهەنگسەرای ملل،رێگەیان نەدا کۆنسیرتی گرووپی “گوزەر” بە هۆی هەبوونی جەند ژنی ژەنیار بەڕێوەبچێ.
لە پێوەندییەدا گرووپی موسیقایی “گوزەر” بە بڵاوکردنەوەی ئەم هەواڵە رەخنەو نارەزایەتی خۆیانیان دەربڕی کە هونەر بەتایبەتی هونەری موسیقی لە ئێرانی ژێر دەسەڵاتی کۆماری ئیسلامی پێگەی خۆی لە دەست داوە.
لە چەند مانگی رابردوودا بەرپرسانی بالای نیزام بە هێرش کردن بەسەر هونەرمەندان و ناوەندە هونەرییەکان پێشیان لە بەڕێوەچوونی کونسێرت لەچەندین شاری گەورەی ئێران وەکوو مەشهد ویەزد وشیراز گرتووە .
لە بەرانبەر بەم هێرش کردنە بەرپرسیی خانەی موسیقای ئێران بە توندی رەخنەی لە وتەبێژانی هەینی و بناژۆخوازەکانی رێژیم گرت و ڕایگەیاند کە موسیقی نەکەن بە ئامرازی مملانێی سیاسی و جناحبەندییەکانی دەسەلات.
جێ وەبیر هێنانەوەیە کە چەندین نوینەری خامنەیی لە شارەکانی ئێران بەڕیوەچوونی کونسیرت بە خەساریکی ئاینیی و ئیخلاقییان ناساند و گوشاریان خستە سەر وەزارەتی فەرهەنگ وئیرشادی ئیسلامیی بۆ رێگریی کردن وهەڵوەشاندنەوەی کۆنسێرتەکان.بەتایبەتی ئەو گرووپە موسیقاییە کە ژەنیاری ژنی تێدایە.