بەرپرسی گستیی خانووی مۆسیقا رایەگەیاند؛٩٩لەسەدی خەڵک خوازیاری بەڕیوەچوونی کۆنسیرتن
حەمیدرەزا نووربەخش،بەرپرسی گشتیی خانووی مۆسیقالە رێگەنەدان بۆ بەڕیوەچوونی کۆنسیرتی مۆسیقا لە چەند شاری ئێران بە تایبەتی رەخنەی گرت و گوت؛هەتا نزیک دەبینەوە بۆ کاتی هەڵبژاردنەکان مۆسیقی دەبێتە ئامرازی گوشاری سیاسی.
حەمیدرەزا نووربەخش لە شەوی ١٠ڕەزبەرلە ١٨مین جێژنی خانەی موسیقا بە ئاماژەدان بە رێگریی کردن لە بەڕیوەچوونی کۆنسیرتەکان گوتی: هەرچێ بە کاتی هەلبژاردنەکان نزیک دەبینەوە مۆسیقی دەبیتە ئامرازیک بۆ ململانێیە سیاسیەکان” لەم بارەوە بە توندی رەخنەی گرت وگوتی:باچیتر هونەری موسیقی نەبێ بە ئامرازیک بۆ شەرو ململانێیە سیاسییەکان. هەڵویستی “حەمیدرەزا نووربەخش” لە کاتێکدایە کە لە چەند مانگی رابردوو لە شارەکانی ئێران بەتایبەتی لە دووشاری مەشهد و قوم هیزە بناژۆخوازکان رێگرییان کرد لە بەڕێوەچوونی کونسیرت. لەم بارەوە بەرپرسی گشتیی خانووی مۆسیقا وەزارەتی فەرهەنگ وئیرشادی ئیسلامی بەبەرپرس زانی وداوی کرد کە ئەو وەزارەتخانە لە بەرانبەر بەم هێرش کردنە بەسەر موسیقا هەڵویستی هەبێ. ناوبراو پێشگرتن لە بەڕێوەچوونی کۆنسیرتەکانی بە خەسارێک زانی وگوتی:چون دەبێ لە بەشیک لە ئێران موسیقا ڕەوا بێ و لە بەشێکی دیکە ناڕەوا؟ لە کاتێکدا هەر بە پێی ڕاپرسییەک ٩٩لەسەدی خەڵک خوازیاری بەڕیوەچوونی کونسیرتن لەوشارانە کە قەدەغە کراوە.
جی وەبیر هێنانەوەیە دوابەدوای هەڵویستی نوینەری رێبەری نیزام لە مەشهد وتەبیژەکانی نویژی هەینی شارەکانی دیکەش وەکوو قوم،قەزوین،یەزد ..دژ بە بەرێوەچوونی کۆنسیرت هەڵۆیستیان گرت و لە بەرانبەر بەم هێرش کردنەش ماوەیەک لەمەو پیش مۆزیسنی ناودار حوسێن عەلیزادە رەخنەی توندی گرت ورایەگەیاند کە رێگریی کردن لە موسیقی فەقیری ونەهامەتییەکانی کۆمەڵگە چارەسەر ناکات.